විදුලි අර්බුදයට විසදුමක් ලෙස පුනර්ජනනීය බලශක්තිය යොදා ගැනීම සඳහා පවතින බාධාවන් ඉවත් කිරීමට කඩිනම් ක්රියාමාර්ග ගන්නා ලෙස අග්රාමාත්ය මහින්ද රාජපක්ෂ මහතා ආර්ථික ප්රතිපත්ති හා සැලසුම් ක්රියාත්මක කිරීමේ අමාත්යංශ ලේකම් අනූෂ පැල්පිට මහතාට උපදෙස් ලබා දී තිබේ.
විෂය භාර අමාත්යවරයා ලෙස කටයුතු කරන්නේ අග්රාමාත්ය මහින්ද රාජපක්ෂ මහතා වන අතර එම අමාත්යංශයේ ප්රගති සමාලෝචන රැස්වීමක් අරලියගහ මන්දිරයේ දී ඊයේ (26) පැවැත්වුණි.
අමාත්යංශය යටතේ පවතින ආයතනවල ප්රගතිය එහි දී සමාලෝචනයට ලක් වූ බව අග්රාමාත්ය මාධ්ය අංශය සඳහන් කළේය.
විදුලිබල මණ්ඩල පනත වර්තමානයට ගැලපෙන ලෙස ප්රතිව්යුහගත කිරීමේ අවශ්යතාව මහජන උපයෝගිතා කොමිසම එහිදී පෙන්වා දී තිබේ.
පුනර්ජනනීය බලශක්තිය මගින් උත්පාදනය කරන විදුලි ධාරිතාව ප්රධාන විදුලි සැපයුමට සම්බන්ධ කිරීමේ දී විදුලිබල මණ්ඩලය මන්දගාමීව කටයුතු කරන බවට ද එම සාකච්ඡාවේ දී කරුණු ඉදිරිපත් විය.
