සීගිරිය නැරඹීමට ගිය තුර්කි ජාතික සංචාරක කාන්තාවකගේ බෑගය සොරාගත් සැකකරුවන් දෙදෙනෙකු ප්රදේශයේ දරුවන් දෙදෙනෙකුගේ සහායෙන් සොයා ගැනීමට පොලිසියට හැකිවී තිබෙනවා.
අද උදෑසන මෙම කාන්තාව සීගිරියට ගොස් ඇති අතර, ඇය යතුරුපැදියකින් පැමිණ හරස් මාර්ගයකින් නැවත සිය නවාතැනට යමින් සිටියදීයි ගමන් බෑගය සැකකරුවන් විසින් පැහැරගෙන ඇත්තේ.
සැකකරුවන් මෙම සංචාරක කාන්තාවට පහරදී ඇයගේ මුදල් සහිත බෑගය පැහැරගෙන ප්රදේශයෙන් පලාගොස් තිබූ බව සඳහන්.
යතුරුපැදිකරුගේ අපරීක්ෂාකාරී රිය පැදවීම නිරීක්ෂණය කළ ප්රදේශයේ කුඩා දරුවන් දෙදෙනෙකු එම යතුරුපැදි අංකය සටහන් කර දෙමාපියන්ට දැනුම් දී තිබෙනවා.
කොල්ලය පිළිබඳ තොරතුරු ලැබීමෙන් පසු ළමයින් සංචාරකයා පදිංචිව සිටි නවාතැනේ හිමිකරුට යතුරුපැදි අංකය සම්බන්ධයෙන් දැනුම්දී පසුවයි පොලිසියට පැමිණිලි කර ඇත්තේ.
සීගිරිය පොලිසිය විසින් විනාඩි 45ක් ඇතුළත සැකකරුවන් ලුහුබැඳ ගොස් ඇමෙරිකානු ඩොලර් 225ක් සහ රුපියල් 20,000 ක් තිබූ බෑගය සමග සැකකරුවන් අත්අඩංගුවට ගෙන තිබෙනවා.
සැකකරුවන් දෙදෙනා දඹුල්ල මහේස්ත්රාත් අධිකරණයට ඉදිරිපත් කිරීමට නියමිතයි.
සැකකරුවන්ගේ පහරදීම හේතුවෙන් තුර්කි ජාතික සංචාරක කාන්තාව සීගිරිය ප්රාදේශීය රෝහලට ඇතුළත් කර තිබෙනවා.
පොලිසියට තොරතුරු ලබාදුන් දරුවන් දෙදෙනාගේ වයස අවුරුදු 13ක් සහ 12ක් වන බවයි වාර්තා වන්නේ.
