20-20 ලෝක කුසලාන තරගාවලියට එක්ව සිටින ඉන්දීය කණ්ඩායමේ ආරම්භක පිතිකරුවක් වන ශුබ්මන් ගිල් විනය ගැටළුවක් හේතුවෙන් යළි ඉන්දියාව බලා පිටත්කර යැවීමට තීරණය කර ඇති බවට පුවතක් විදෙස් මාධ්‍ය පසුගිය දා වාර්තා කළා.
කෙසේ වෙතත් එම පුවත ප්‍රතික්ෂේප කරන බවයි ඉන්දීය ක්‍රිකට් කණ්ඩායමේ පිතිකරණ පුහුණුකරු වික්‍රම් රතෝර් සඳහන් කළේ.
මේ වනවිට ලෝක කුසලාන තරගවලියේ සුපිරි 08 දෙනාගේ වටය සඳහා තේරීපත්ව සිටින ඉන්දියාව සුපිරි 08 වටයේ තරග සඳහා ඇමරිකාවේ සිට බටහිර ඉන්දීය කොදෙව් දේශයට යෑමට නියමිතයි.
එලෙස කොදෙව් දේශයට යන ඉන්දීය සංචිතයේ සිටින අතිරේක ක්‍රීඩකයින් සිව්දෙනාගෙන් දෙදෙනක් පමණක් සුපිරි 08 දෙනාගේ තරග වටයට රැගෙන යාමටයි තීරණය කර ඇත්තේ.
ඒ, අනුව රින්කු සිං සහ වමත් වේග පන්දු යවන ක්‍රීඩක ඛලීල් අහමඩ් පමණක් සුපිරි 08 තරග වටය වෙනුවෙන් ඉන්දීය සංචිතයේ රඳවා ගැනීමට තීරණය කර තිබෙනවා.
මේ හේතුවෙන් ශුබ්මන් ගිල් සහ වේග පන්දු යවන ක්‍රීඩක අවේෂ් ඛාන් ඉන්දීය සංචිතයෙන් නිදහස් කිරීමට කටයුතු කළ බවයි වික්‍රම් රතෝර් පැවසුවේ.
ඒ, අනුව විනය ගැටළුවක් හේතුවෙන් ශුබ්මන් ගිල් ඉන්දියාවට එවීමට කටයුතු කර ඇති බවට පළවන වාර්තා සම්පූර්ණයෙන්ම සත්‍ය බව වික්‍රම් රතෝර් වැඩිදුරටත් පවසා සිටියා.
