ශ්රී ලංකාව සහ එංගලන්තය අතර මැන්චෙස්ටර් හිදී පැවැත්වෙන පළමු ටෙස්ට් තරගයේ සිව්වන දිනය අදයි.
සිව්වන දිනට තරගය තවත් සුළු මොහොතකින් ආරම්භ වීමට නියමිතයි.
මේ අතර එංගලන්ත වේග පන්දු යවන ක්රීඩක මාර්ක් වුඩ් අද දිනයේ ක්රීඩා නොකරන බවට එංගලන්තයෙන් තොරතුරු වාර්තා වනවා.
ඔහුගේ දකුණු කලවා ආබාධයකට ලක්වීම හේතුවෙන් මෙලෙස තරගයේ සිව්වන දින වූ අද දිනයේ තරග නොකරන බවයි වැඩිදුරටත් තොරතුරු වාර්තා වුණේ.
ශ්රී ලංකා ඉනිමේ දෙවන ඉනිමේ දී මාර්ක් වුඩ් යැවූ 11 වන පන්දු වාරයේ දී ඔහු ආබාධයකට ලක්වීම හේතුවෙන් පිටියෙන් ඉවත් වුණා.
ඒ, වනවිටත් ඔහු පන්දුවාර 10යි පන්දු 02ක් යවා ලකුණු 36කට ශ්රී ලංකා දෙවන ඉනිමේ එක් කඩුල්ලක් දවාගෙන සිටියා.
තරගයේ දෙවන ඉනිම ක්රීඩා කරන ශ්රී ලංකා කණ්ඩායම කඩුලු 06ක් දැවී ලකුණු 204ක් රැස්කරගෙන සිටිනවා.
