ශ්රී ලංකාවේ සමලිංගික ප්රජාවට එරෙහිව පවතින නීති ඉවත් කිරීම ගැන ශ්රී ලංකා ජනාධිපතිවරයාගේ ස්ථාවරය යුරෝපා පාර්ලිමේන්තු මන්ත්රීන් විසින් අගය කර තිබෙනවා.
ජුනි 18 වැනි දිනයේදී යුරෝපා පාර්ලිමේන්තුවේ නියෝජිතවරයෙක් වන ජර්මානු ජාතික ලුකා සෙපියර් ශ්රී ලංකා මානව හිමිකම් ක්රියාකාරකයෙක් වන කෞෂාල් රණසිංහ සමග පැවති සමාජ මාධ්ය සංවාදයක දී යුරෝපා පාර්ලිමේන්තුවේ අවධානය ශ්රී ලංකාවේ LGBTQ ප්රජාවට එරෙහිව පවතින නීති කෙරෙහි යොමුව ඇති බව පැවසුවා.
තවදුරටත් ඔහු පවසා සිටියේ 2022 දී දූෂණ, වංචා සහ පවුල් පාලනයට එරෙහිව ශ්රී ලංකා ජනතාවගේ නැගී සිටීම ජාත්යන්තර ප්රජාවගේ අවධානයට ලක් වූ බවත්, වර්තමානයේ දේශපාලන යාන්ත්රණය පිළිබඳව ඔවුන්ගේ බලාපොරොත්තු පවතින බවත්ය.
එහිදී ශ්රී ලංකා ශ්රේෂ්ඨාධිකරණය විසින් සමරිසි ප්රජාවගේ අයිතිවාසිකම් වෙනුවෙන් ප්රගතිශීලී තීන්දුවක් ලබාදෙමින් පාර්ලිමේන්තුවේ, දණ්ඩ නීති සංග්රහයේ 365 වගන්තිය ඉවත් කිරීමේ නිර්දේශ ක්රියාත්මක කරන මෙන් ඉල්ලා සිටියා.
යුරෝපා පාර්ලිමේන්තුවේ නියෝජිතවරයෙක් වන ජර්මානු ජාතික ලුකා සෙපියර් ශ්රී ලංකාවේ ජනාධිපති සිය ප්රතිපත්ති ප්රකාශනය මගින් සමලිංගික ප්රජාවට එරෙහිව පවතින නීති ඉවත් කිරීම සඳහා පොරොන්දු දීම අගය කළ අතර එම පොරොන්දු ක්රියාත්මක වීම සිදු වේ දැයි ජාත්යන්තරය වශයෙන් බලා සිටින බවත්, ඒ හරහා ශ්රී ලංකාවට මානව හිමිකම් හි ලෝකයේ සුවිශේෂී ස්ථානයක් හිමි වේ යැයි කරුණු සඳහන් කළ බවයි වාර්තා වන්නේ.
යුරෝපා පාර්ලිමේන්තු මන්ත්රීවරයා වැඩිදුරටත් පැවසුවේ, ශ්රී ලංකාවට සමලිංගික ප්රජාවට එරෙහිව පවතින නීති යටත්විජිත සමයේදී යුරෝපා ජාතිකයන් විසින් පැනවීම සම්බන්ධව සිය සමාව අයදින බවයි.
මූලාශ්ර සැපයීම – ශ්රී ලංකා මානව හිමිකම් ක්රියාකාරී නීතිඥ කෞශාල් රණසිංහ විසිනි.
