නිධානයක් ඇති බවට වූ සැකය මත වේයන්ගොඩ, වඳුරව ප්‍රදේශයේ සිදුකළ කැනීම් කටයුතු මේ වනවිට සම්පූර්ණයෙන් අවසන් කර තිබෙනවා.
මෙම කැනීම් කටයුත්ත සම්බන්ධයෙන් එය සිදුකළ නිලධාරීන් විසින් ලබන අඟහරුවාදා අත්තනගල්ල අධිකරණයට කරුණු වාර්තා කිරීමට නියමිත බවයි අප වාර්තාකරු පැවසුවේ.
වේයන්ගොඩ, වඳුරව ප්‍රදේශයේ මධ්‍යම අධිවේගී මාර්ගය ගමන් ගන්නා කොටසක නිධානයක් ඇති බව වූ සැකයක් මත අත්තනගල්ල අධිකරණය මඟින් ලබාදුන් නියෝගයක් මත දින තුනක් මෙම කැනීම් කටයුතු සිදු කළා.
කෙසේ වෙතත් මෙම කැනීම්වල දී නිධානයක් හෝ නිධානයක් බවට හෝ සැක කෙරෙන කිසිදු දෙයක් සොයාගැනීමට හැකියාව ලැබුණේ නෑ.
අඩි 30ක් 35ත් පමණ ගැඹුරට සිදුකළ මෙම කැණීම්වල දී විශාල කළු ගලක් සොයා ගැනීමට හැකි වූ අතර, ඒ තුළ හෝ නිධානයක් ඇති බවට වූ සැකය මත එය ද කැබලි කර පරීක්ෂාවක ලක් කිරීමටයි කටයුතු කළේ.
ඔබේ ප්‍රතිචාරය කුමක්ද ?
+1
10
+1
2
+1
86
+1
1
+1
7
+1
4
+1
6
wpDiscuz
