බංග්ලාදේශය සහ ඉන්දියාව අතර සබඳතාව අන්කවරදාටත් වඩා ශක්තිමත් සහ වේගවත් වී ඇතැයි බංගලාදේශ අගමැතිනි ෂීක් හසීනා සෙනසුරාදා නවදිල්ලියේ දී අගමැති නරේන්ද්ර මෝදි සමඟ පැවති හමුවීමෙන් පසු පැවසුවා.
අසල්වැසි ජාතීන් දෙක අතර විවිධ ක්ෂේත්ර හරහා සහයෝගීතාවය පුළුල් කිරීම කෙරෙහි මෙම සාකච්ඡාවේ දී අවධානය යොමු වී තිබුණා.
බංග්ලාදේශයේ සංචාරයක නිරත අග්රාමාත්යවරයා මේ බව ප්රකාශ කළේ අග්රාමාත්ය මෝදි සමඟ පැවති නියෝජිත මට්ටමේ සාකච්ඡාවලින් අනතුරුව මාධ්ය වෙත අදහස් දක්වමින්.
බංග්ලාදේශයේ 12 වැනි පාර්ලිමේන්තු මැතිවරණයෙන් සහ මේ වසර මුලදී නව රජය පිහිටුවීමෙන් පසු ඇයගේ පළමු ද්විපාර්ශ්වික විදේශ සංචාරය සනිටුහන් කරමින් ඉන්දියාවට පැමිණි අගමැති හසීනා තමන්ට කළ ආරාධනය පිළිබඳව අගමැති මෝදි වෙත කෘතඥතාව පළ කළා.
ඇය ඉන්දියාව ප්රධාන අසල්වැසියෙකු, විශ්වාසවන්ත මිතුරෙකු සහ තීරණාත්මක කලාපීය හවුල්කරුවෙකු ලෙස උත්කර්ෂයට නැංවූයේ 1971 දී බංග්ලාදේශයේ විමුක්ති යුද්ධයේදී ඇති වූ කල් පවතින බැඳීම අවධාරණය කරමින්.
“බංග්ලාදේශයේ නිදහස සඳහා ඉන්දීය රජය සහ ජනතාව දැක්වූ දායකත්වය මම කෘතවේදීව සිහිපත් කරනවා.
1971 අපේ විමුක්ති සංග්රාමයේ දී ජීවිත පරිත්යාග කළ ඉන්දියාවේ මියගිය අභීත වීරයන්ට මම දැඩි ගෞරව පුද කරනවා” යැයි අගමැති හසීනා පැවසුවා
2021 වසරේ බංගලිදේශයේ පැවති සැමරුම්වලට ඉන්දීය ජනාධිපතිවරයා සහ අග්රාමාත්යවරයා සහභාගී වීම ඇතුළු ද්විපාර්ශ්වික සංචාර සමඟින් මෑත වසරවල දී දෙරට අතර තිරසාර සබඳතාවක් පවත්වාගෙන යනු ලැබුවා.
අගමැති හසීනා 2022 සැප්තැම්බර් මාසයේ දී ඉන්දියාවේ සංචාරයක නිරත වූ අතර 2023 දී නවදිල්ලියේ පැවති G20 සමුළුවට ද සහභාගී වුණා.
වත්මන් සංචාරයේ දී දෙරටේම නායකයෝ දේශපාලනය, ආරක්ෂාව, වෙළෙඳාම, සම්බන්ධතාව, පොදු ගංගාවලින් ජලය බෙදාගැනීම, බලශක්තිය මෙන්ම කලාපීය සහ බහුපාර්ශ්වික සහයෝගීතාව ආවරණය කරමින් ඵලදායී සාකච්ඡාවල නිරත වුණා.
ඔවුන් අන්යෝන්ය සමෘද්ධිය සහ ප්රගතිය සඳහා සහයෝගීව කටයුතු කිරීමට ඇති කැපවීම යළිත් තහවුරු කළා.
“ඩකා සහ දිල්ලිය නව ගමනක් අරඹා ඇති හෙයින්, දැක්ම 2041 සහ 2047 වන විට වික්සිත් භාරත් අනුගමනය කරමින් ස්මාර්ට් බංග්ලාදේශයක් සහතික කිරීමේ අනාගත ක්රියාමාර්ගය අපි සැලසුම් කළෙමු,” ද්විපාර්ශ්වික සබඳතා සඳහා ඉදිරි දැක්මක් ඇති ප්රවේශයක් පෙන්නුම් කරමින් අගමැති හසීනා විස්තර කළා.
අග්රාමාත්ය හසීනා සිය සංචාරය අතරතුර උප ජනාධිපති සහ ඉන්දීය ජනාධිපතිවරයා ද හමුවී ද්විපාර්ශ්වික සබඳතා තවදුරටත් ශක්තිමත් කර ගැණුනා.
“මෙම සියලු රැස්වීම් අපගේ දෙරටේ සහයෝගීතාව වැඩි දියුණු කිරීම සඳහා වැඩි අවබෝධයක් ලබා දෙනු ඇතැයි මම විශ්වාස කරමි.
අග්රාමාත්ය නරේන්ද්ර මෝදිට බංග්ලාදේශයට පැමිණෙන ලෙස මගේ ආරාධනය නැවත නැවතත් කිරීමට මම මෙය අවස්ථාවක් කර ගනිමි, ”අගමැති හසීනා වැඩිදුරටත් පැවසුවා.
බංග්ලාදේශ අගමැතිනි ෂීක් හසීනා ඉන්දියාවේ දෙදින රාජ්ය සංචාරයක නිරත වුණා.
