විල්පත්තුව ජාතික වනදෝන්‍යනයේදි ගැබ්බර මුව දෙනෙකු ඝාතනය කළ දඩයක්කරුවන් දෙදෙනෙකු අද (14) ඔලුගොල්ලෑව වැව් ඉස්මත්තේදි බෝර දොළහේ තුවක්කුවක් හා මස් සමග විලච්චිය වන ජිවි කාර්යාල නිලධාරින් විසින් අත්අඩංගුවට ගෙන තිබේ .
මෙසේ අත්අඩංගුවට ගෙන ඇත්තේ විලච්චිය,බෝගස් හන්දිය ප්‍රදේශයේ පදිංචි වයස අවුරුදු 30 හා 35 හැවිරිදි පුද්ගලයන් දෙදෙනෙකි.
මෙම පුද්ගලයන් දෙදෙනා විල්පත්තුව ජාතික වන උද්‍යානයේ සැරිසැරු ගැබ්බර මුව දෙනෙකු ඝාතනය කොට ගැබිණි මුව දෙනගේ මස් කිලෝ 30 ක් හා මුව දෙනගේ කුසතුල සිටි පැටවාද රැගෙන යමින් සිටියදි ඔලුගොල්ලෑව වැව් ඉස්මත්තේදි වනජීවි නිලධාරින් විසින් අත්අඩංගුවට ගෙන තිබුණි.
සැකකරුවන් දෙදෙනා අධිකරණයට ඉදිරිපත් කිරිමට නියමිතයි.
විලච්චිය අඩවි ආරක්ෂක එච්.එස්.එච්.විරසිංහ මහතාගේ උපදෙස් මත වනසත්ව නියාමක ඩබ්.එම්.ජේ.සදනුවන් මහතා විසින් මෙම දඩයක්කරුවන් දෙදෙනා අත්අඩංගුවට ගෙන තිබේ .
