විදේශ සේවා නියුක්ති කාර්යාංශයේ නව සේවකයන්ට පත්වීම් ප්රදානය කිරීමේ උත්සවය ශ්රී ලංකා විදේශ සේවා නියුක්ති කාර්යාංශයේදී අද (07) පැවැත්වුණා.
ඒ විදේශ කටයුතු විදේශ රැකියා සහ සංචාරක අමාත්ය විජිත හේරත්ගේ ප්රධානත්වයෙන්.
කළමනාකරණ සහකාර, තොරතුරු තාක්ෂණ නිලධාරී, රියදුරු සහ කාර්යාල කාර්ය සහායක යන ශ්රේණිවලට අයත් සේවකයින් සිය දෙනෙකුට පත්වීම් ප්රදානය කිරීම එහිදී සිදු කෙරුණා.
මෙම අවස්ථාවේ දී අදහස් දක්වමින් අමාත්ය විජිත හේරත් සඳහන් කළේ ප්රසිද්ධ දැන්වීම් පළකර නිසි අධ්යාපන හා වෘත්තිය සුදුසුකම් සපුරා ඇති තරුණ තරුණියන් වෙතින් අයදුම්පත් කැඳවා විධිමත් තෝරා ගැනීමේ ක්රියාවලියකින් පසු මෙම බඳවා ගැනීම සිදුකර ඇති බවයි.
