2024 කැරිබියන් ප්රිමියර් ලීග් තරගාවලිය සඳහා ශ්රී ලංකා දඟ පන්දු යවන ක්රීඩක වනිඳු හසරංගට කැඳවීමක් ලැබී තිබෙනවා.
සෙන්ට් කිට්ස් සහ නෙවිස් පේට්රියට්ස් කණ්ඩායම විසින් වනිඳුව තරගාවලිය සඳහා කැඳවා ඇති බවයි වාර්තා වන්නේ.
එම කණ්ඩායම නියෝජනය කළ සිම්බාබ්වේ තුන් ඉරියව් ක්රීඩක ශිකන්දර් රාසා ආබාධයකට ලක්වීම හේතුවෙන් ඔහුට මෙවර කැරිබියන් ප්රිමියර් ලීග් තරගාවලින් ඉවත්වීමට සිදුව තිබෙනවා.
ඒ, අනුවයි වනිඳු හසරංග සෙන්ට් කිට්ස් සහ නෙවිස් පේට්රියට්ස් කණ්ඩායමට කැඳවා ඇත්තේ.
වනිඳු මීට පෙර තරගාවලිය වෙනුවෙන් සෙන්ට් කිට්ස් සහ නෙවිස් පේට්රියට්ස් කණ්ඩායමට තෝරාගෙන තිබූ නමුත් ඔහු ඒ වනවිට ආබාධයකට ලක්ව සිටීමත් සමඟ ඔහුව තරගාවලියෙන් ඉවත් කෙරුණා.
කෙසේ වෙතත් ඔහුගේ ආබාධ තත්ත්වය මේ වනවිට සුව අතට පත්වීමත් සමඟයි ශිකන්දර් රාසාගේ ඉවත්වීමෙන් පසු වනිඳුට මෙම කැඳවීම ලැබී ඇත්තේ.
