spot_img
AFC Banner
Empty Ad
Empty Ad

වත්මන් බදු ප්‍රතිපත්තිය, ගලවා ගැනීමේ මෙහෙයුමක් බව ජනපති කියයි

වත්මන් බදු ප්‍රතිපත්තිය, සාමාන්‍ය බදු ප්‍රතිපත්තියක් නොව, ගලවා ගැනීමේ මෙහෙයුමක් බව ජනාධිපති රනිල් වික්‍රමසිංහ මහතා පවසනවා.

මෙම ක්‍රියාවලිය කඩාකප්පල් වුවහොත් ජාත්‍යන්තර මූල්‍ය අරමුදල සමඟ වැඩසටහනට ඇතුළත්වීමට නොහැකි වෙනවා සේම ශ්‍රී ලංකාවට කිසිඳු විදෙස් රටක් සමඟ ගනුදෙනු කිරීමට අවස්ථාව නොලැබෙන බවයි ජනාධිපතිවරයා ප්‍රකාශ කළේ.

2023 වසර සඳහා ඉදිරිපත් කළ අය වැය ද සාමාන්‍ය අය වැයක් නොව, වැටී ඇති ආර්ථිකය ගොඩනැංවීමේ මෙහෙයුමක් බව ජනාධිපතිවරයා සඳහන් කළා.

ජනාධිපති රනිල් වික්‍රමසිංහ මහතා මේ බව සඳහන් කළේ අද (21) පස්වරුවේ කොළඹ කිංස්බරි හෝටලයේදී පැවති “2023 බදු සමුළුව” ආරම්භක දේශනය සිදු කරමින්.

ජාත්‍යන්තර මූල්‍ය අරමුදල වෙත යෝජනා ඉදිරිපත් කර තිබුණේ ශ්‍රී ලංකා වාණිජ මණ්ඩලය පමණක් බව මෙහිදී පැවසූ ජනාධිපතිවරයා ඒ හැර වෙනත් කිසිදු ආයතනයක්, පක්ෂයක් හෝ පුද්ගලයෙක් යෝජනා හෝ විකල්ප ඉදිරිපත් නොකළ බවයි සඳහන් කළේ.

ජාත්‍යන්තර මූල්‍ය අරමුදල සමඟ එකඟතාවයට එළැඹි වහාම ඒ පිළිබඳ වාර්තාව පාර්ලිමේන්තුවට ඉදිරිපත් කරන අතර, එය සම්මත කිරීමට හෝ ප්‍රතික්ෂේප කිරීමට ඕනෑම අයෙකුට අවස්ථාව ඇති බව ද ජනාධිපතිවරයා ප්‍රකාශ කළා.

යම් පාර්ශ්වයක් එය ප්‍රතික්ෂේප කරන්නේ නම් ඔවුන් ජාත්‍යන්තර මූල්‍ය අරමුදලට විකල්ප යෝජනා ඉදිරිපත් කළ යුතු බවයි ඔහු කියා සිටියේ.

තවද මෙරට ප්‍රධාන ණය හිමියන් වන පැරිස් සමාජය, ඉන්දියාව සහ චීනය සමඟ වන ණය ප්‍රතිව්‍යුහගත කිරීමේ ක්‍රියාවලිය පිළිබඳ අදහස් දක්වමින් ජනාධිපතිවරයා සඳහන් කළේ ශ්‍රී ලංකාව වෙනුවෙන් තම මූල්‍ය සහාය දැක්වීමට මේ වන විට පැරිස් සමාජය සහතික වී ඇති බවයි.

මෙහිදී ඉන්දියාව ද තමන්ටම ආවේණික ක්‍රමවේදයක් අනුගමනය කළ නමුත් චීනය තම ක්‍රමවේදය පිළිබඳව මෙතෙක් එකඟතාව පළ කර නොමැති බව ද ජනාධිපතිවරයා සඳහන් කළා.

කෙසේ වුවද ලබන 23 වැනිදා ඉන්දියාවේ බැංගලෝර් නගරයේ දී පැවැත්වෙන ජී- 20 රටවල මුදල් ඇමතිවරුන්ගේ සාකච්ඡාවේ දී ඔවුන්ගේ ස්ථාවරත්වය දැනුම් දෙනු ඇති බවයි ජනාධිපති රනිල් වික්‍රමසිංහ මහතා කියාසිටියේ.

ඔබේ ප්‍රතිචාරය කුමක්ද ?
+1
0
+1
0
+1
0
+1
0
+1
0
+1
0
+1
0
Subscribe
Notify of
0 Comments
Inline Feedbacks
සියලු ප්‍රතිචාර බලන්න !
අපගේ නවතම වීඩියෝ පුවත්
Video thumbnail
ඡන්ද ප්‍රචාරක වැඩ අස්සේ ජනපති කරන මගඩි වැඩ ගැන හෙළිදරව්වක්...
02:42
Video thumbnail
අදනම් චිකාගෝවකි මා වෙසෙන රට... ආවා..තිබ්බා..ගියා..
05:48
Video thumbnail
රත්නපුර නගරය අවට තද සුළං සහ මහ වැසි...#rathnapura #1million #shorts
00:19
Video thumbnail
අනුරාධපුරය හෙල්ලූ භූමිකම්පාවේ ඔබ නොදත් තතු මෙන්න...
03:10
Video thumbnail
Club වසන්තගේ ඝාතකයින් රටින් පැන්නාද? #Clubwasantha #වසන්ත
03:50
Video thumbnail
Dasatha “පිටුවෙන් පිටුව” – LIVE | 2024-07-17
01:05:25
Video thumbnail
ජනපති අපේක්ෂකයන්ගේ ආරක්ෂාවට වෙන්න යන දේ ? #ranilwickremesinghe
01:49
Video thumbnail
වත්මන් දේශපාලන තත්ත්වය ගැන උණුසුම් කතා - "මැතිවරණ කොමිසම පිළිබඳවත් දෙගිඩියාවක් තියෙනවා"
02:55
Video thumbnail
දසත සවස 6.25 ප්‍රධාන ප්‍රවෘත්ති ප්‍රකාශය - DASATHA NEWS 6.25 PM LIVE | 2024-07-17 | Dasatha News
38:30
Video thumbnail
දේශපාලන වේදිකාවෙන් ලොකු කතාවක්..."මැතිවරණය ගැන දැනගන්නහැමෝම ඇඟිලි ගැනපු 17 අදයි"
05:33

?