සුඛෝපභෝගී කැබ් රියකින් නීතිවිරෝධී මත්පැන් ස්ප්රීතු තොගයක් ප්රවාහනය කරමින් සිටි අඹු-සැමි යුවළක් අත් අඩංගුවට ගැනුණා.
ඊයේ (23) රාත්රියේ දී දැඩි පරිශ්රමයක් යොදා පොලිසිය විසින් අදාළ කැබ් රිය පරීක්ෂා කර රයිගම – මිල්ලගස් හන්දිය ප්රදේශයේදියි අත්අඩංගුවට ගැනුණේ.
මෙම සැකකාර යුවළ ඉටිඋර 10ක බහා අදාළ මත්පැන් ස්ප්රීතු බෝතල් 450 ප්රවාහනය කරමින් සිට තිබෙනවා.
බණ්ඩාරගම පොලිසිය පැවසුවේ භාරයට ගත් මත්පැන් ස්ප්රීතු බෝතල්වල වටිනාකම රුපියල් ලක්ෂ 12කට ආසන්න බවයි.
බණ්ඩාරගම පොලිසියට අනුයුක්ත බස්නාහිර පළාත් බුද්ධි නිලධාරියකුට ලද තොරතුරකට අනුව සැකකාර යුවළ අත්අඩංගුවට ගැනුණේ.
සැකකාර යුවළගෙන් සිදු කළ ප්රශ්න කිරීමේ දී මෙම මත්පැන් ස්ප්රීතු විදේශගතව සිටින මත්ද්රව්ය ජාවාරම්කරුවකුගේ බිරිඳකට ලබාදීම සඳහා පානදුරට ප්රවාහනය කරන බවට අනාවරණය වී තිබෙනවා.
සැකකාර යුවළ මත්පැන් පෙරන ස්ථානය සොයා වැඩිදුර විමර්ශන සිදු කෙරෙන අතර 43 සහ 56 හැවිරිදි මොවුන් දෙදෙනා අද (24) පානදුර මහේස්ත්රාත් අධිකරණයට ඉදිරිපත් කිරීමට නියමිතයි.
