වසරේ මේ දක්වා වාර්තා වී ඇති ඩෙංගු රෝගීන් සංඛ්යාව 50,000 සීමාව ඉක්මවා ගොස් ඇති බව ජාතික ඩෙංගු මර්දන ඒකකයේ ප්රජා වෛද්ය ප්රශිලා සමරවීර පවසනවා.
ඒ අනුව මේ දක්වා මෙරටින් 50,459ක් සහ මරණ 30ක් වාර්තා වී ඇති ඇති බවයි ඇය මාධ්ය වෙත අදහස් දක්වමින් සඳහන් කළේ.
කෙසේ වෙතත් මෙම දත්ත තවදුරටත් වැඩි විය හැකි බවයි ඇය පැවසුවේ.
මේ අතර දීර්ඝ සති අන්තයක් එළැඹීම තුළ මහජනතාවගේ ක්රියාකාලපයන් හේතුවෙන් ඩෙංගු රෝගය තවදුරටත් වර්ධනයවීමක් සිදුවිය හැකි බවයි ඇය පෙන්වා දෙන්නේ.
එමෙන්ම මෙම දීර්ඝ සති අන්තය තුළ දී නිවාස සහ අවට පරිශ්ර පිරිසිදුකර ගැනීමට කටයුතු කරන ලෙසයි ඇය මහජනතාවට දැනුම් දෙන්නේ.
මේ අතර තමන් ජීවත්වන ග්රාම නිලධාරී කොට්ඨාසය හෝ සෞඛ්ය වෛද්ය නිලධාරී කොට්ඨාසයේ ඩෙංගු අවදානම් තත්ත්වයක් පවතිනවා නම් ශ්රමදාන කටයුතු අඛණ්ඩව සිදුකර එම අවදානම අඩුකර ගැනීමට කටයුතු කරන ලෙසත් ඇය මහජනතාවගෙන් ඉල්ලා සිටිනවා.
