ආරක්ෂක හමුදාවන් නවීන තාක්ෂණයන් සහ යුද්ධොපකරණ සමඟින් නවීකරණය කිරීමට උපරිම උත්සාහයක් දරමින් සිටින්න බව ආරක්ෂක ලේකම් විශ්රාමික එයාර් වයිස් මාර්ෂල් සම්පත් තුයියකොන්තා පවසනවා.
එමෙන්ම රටේ ආරක්ෂක අංශ සතු මූලික කාර්යභාරය වන දේශයේ ආරක්ෂාව සඳහා පමණක් ආරක්ෂක හමුදා යොදවන බවට සහතික වන බවයි ආරක්ෂක ලේකම්වරයා පවසන්නේ.
ත්රිවිධ හමුදාවන් සතු මානව හා භෞතික සම්පත් ප්රශස්ත අන්දමින් භාවිත කිරීම සහතික කිරීම මෙන්ම මෙහෙයුම් කාර්යක්ෂමතාව ඉහළ නැංවීම සඳහා සන්නද්ධ හමුදා ව්යුහය සමාලෝචනය කිරීමට ද බලාපොරොත්තුවන බවයි ආරක්ෂක ලේකම් සඳහන් කළේ.
ත්රිකුණාමලය නාවික හා සාගරික විද්යාපීඨයේ ඊයේ (28) පැවති වර්ණවත් නාවික හමුදා විසිර යාමේ පෙළපාලියේ ප්රධාන ආරාධිත අමුත්තා ලෙස සහභාගි වෙමිනි ඔහු මෙම අදහස් පළ කළා.
එහිදී වැඩිදුරටත් අදහස් දැක්වූ ආරක්ෂක ලේකම්වරයා, ත්රිවිධ හමුදා බඳවා ගැනීම් ක්රියාත්මක කිරීම සහ පිරිස් තෝරාගැනීමේ දී ප්රමාණාත්මක අවශ්යතාවන්ට වඩා ගුණාත්මක භාවය කෙරෙහි අවධානය යොමු කිරීමට බලාපොරොත්තු වන බවයි පැවසුවේ.
මෙම අවස්ථාවට ආරක්ෂක අමාත්යංශයේ සේවා වනිතා ඒකකයේ සභාපතිනී වෛද්ය රුවිනි රසිකා පෙරේරා ද සහභාගි වී සිටියා.
