පාස්කු ප්‍රහාරයේ මහ මොලකරු තමන් දන්නා බව ප්‍රකාශ කළ හිටපු ජනාධිපති මෛත්‍රීපාල සිරිසේනගෙන් අපරාධ පරීක්ෂණ දෙපාර්තමේන්තුව ප්‍රකාශ ලබා ගනිද්දි ශ්‍රී ලංකා නිදහස් පක්ෂයේ ජාත්‍යන්තර කටයුතු ලේකම් සජින් වාස් ගුණවර්ධන ශ්‍රී ලංකාවේ සිටින ඇමෙරිකානු තානාපති ජුලි වෑන්ග් සමඟ අද (25) දහවල් විශේෂ රහසිග සාකච්ඡාවක නිරත වී තිබෙනවා.
ඒ කොළඹ හතේ පිහිටි අවන්හලක ඉහළ මහලයේදීයි.
දිවා ආහාරය ලබා ගනිමින් ඔවුන් දෙදෙනා පැයක පමණ කාලයක් සාකච්ඡාවේ නිරත වී ඇති අතර, ඉන් පසු පළමුව තානාපතිනිය ඉන් පිටව ගොස් තිබෙනවා.
ඊට විනාඩි දහයකට පසු සජින් වාස් ගුණවර්ධන ද සිය බිරිද හා දරුවා සමඟ එම ස්ථානයෙන් පිටව ගොස් තිබුණා.
හිටපු ජනාධිපතිවරයා අපරාධ පරීක්ෂණ දෙපාර්තමේන්තුවට ගොස් ප්‍රකාශ ලබාදෙන අවස්ථාවට ශ්‍රී ලංකා නිදහස් පක්ෂයේ සෙසු නායකයින් එම ස්ථානයට පැමිණියත් සජින් වාස් ගුණවර්ධන පැමිණ සිටියේ නැහැ.
සජින් වාස් ගුණවර්ධන අවන්හලෙන් පිටව යන අයුරු ඡායාරූපයේ දැක්වෙයි.
