ශ්‍රී ලංකා රූපවාහිනී සංස්ථාවේ නව සභාපති ලෙස ගිහාන් ද සිල්වා පත් කර තිබෙනවා.
අද (26) පෙරවරුවේ ඒ මහතා රූපවාහිනී සංස්ථාවේ සභාපති ධුරයේ රාජකාරි කටයුතු ඇරඹූ බවයි වාර්තා වන්නේ.
ගිහාන් ද සිල්වා මහතා ශ්‍රී ලංකාවේ බහු සන්නාම ආයතනික මෙහෙයුම් පිළිබඳ වසර 25කට වැඩි පළපුරුද්දක් ඇති දක්ෂ ව්‍යාපාරික වෘත්තිකයෙක්.
ඔහු අලෙවිකරණය, උපාය මාර්ගික සැලසුම්කරණය සහ කළමනාකාරිත්වය යන ක්ෂේත්‍රයන්හි හැකියාවන් පෙන්වා ඇති අතර, ඒ තුළින් බලපෑම්කාරී සන්නාම බිහි කිරීම පිළිබඳ ප්‍රසිද්ධියක් අත්පත් කරගෙන තිබෙනවා.
කොළඹ, නාලන්දා විද්‍යාලයේ ආදි ශිෂ්‍යයෙකු වන ගිහාන් ද සිල්වා මහතා ශ්‍රී ජයවර්ධනපුර විශ්වවිද්‍යාලයෙන් ව්‍යාපාර පරිපාලනය පිළිබඳ ශාස්ත්‍රපති උපාධියක් සහ කොළඹ විශ්වවිද්‍යාලයෙන් ව්‍යාපාර කළමනාකරණය පිළිබඳ පශ්චාත් උපාධි ඩිප්ලෝමාවක් හිමි කරගෙන තිබෙන බවත් සඳහන්.
ඒ මහතා සිය වෘත්තීය සාර්ථකත්වයට අමතරව ජාතික සංවර්ධනය සහ තිරසාරභාවය සඳහා වන නව රජයේ ප්‍රමුඛ වැඩපිළිවෙළක් වන ‘ක්ලීන් ශ්‍රී ලංකා’ වැඩසටහන සඳහා වූ ජනාධිපති කාර්ය සාධක බලකායේ සාමාජිකයෙකු ලෙස ද කටයුතු ක‍රනු ඇති.
ඔහු ඉතාමත් දක්ශ පරිනත කෙනෙකි අපෙන් සුසුබපැතුම්.
එතුමාගේ සුදුසුකම් සහ පළපුරුද්ද ගැන තොරතුරු සොයාගත හැකි මූලාශ්‍රයක් තියනව නම්, එවන්න.👍
අවශ්‍යය නැහැනෙ …. රාජකාරිය හරියට වුනානම් ඇති….හොයලා බලල උසස්වීම් දෙන්නද
ඒ මහතාගේ සුදුසු කම් නම් හොදයි .
වැඩ බලමු.
අවුරුදු ගාණක් රෑපවාහිනි නොබලා හිටියේ. ආයෙත් බලන්න පුරුදු වෙන්න ඕන.
ඕනවට වඩා ,සුදු හුණු ගාමින් රෑපවාහිනිය වැඩ කලොත් ආයෙත් එපා වෙයි.