ජාතික ජන බලවේගය පක්ෂයේ මන්ත්රිනී නිලන්ති කොට්ටහච්චිගේ කීර්ති නාමයට අපහාස වන අයුරින් කිසියම් පුද්ගලයෙකු හෝ කණ්ඩායමක් එක් ව මේ දිනවල මුහුණුපොත හරහා සිදු කරන අසත්ය ප්රචාරණ සම්බන්ධයෙන් වන පැමිණිල්ලක් ඇයගේ නීතිඥවරු මාර්ගයෙන් අද (31) කොළඹ අපරාධ පරීක්ෂණ දෙපාර්තමේන්තුවේ පරිගණක විමර්ශන ඒකකයට භාර දී තිබෙනවා.
ඇයගේ නීතිඥවරුන් විසින් අදාළ පැමිණිල්ල භාරදෙනු ලැබීමෙන් පසුව මාධ්යය වෙත අදහස් දක්වමින් කියා ඇත්තේ මෙම ක්රියාදාමය පිටිපස ඇත්තේ පරාජයට පත් වූ දේශපාලන පක්ෂයක සාමාජිකයින් බවයි.
සිය සේවාදායිකාව කොළඹ නගරයේ පිහිටි ප්රසිද්ධ හෝටල් කාමරයකට රුපියල් 20000ක මුදලකට තවත් පිරිමි පුද්ගලයින් සමග ගොස් ඇති බවට වන පුවතක් සමාජ මාධ්යයෙහි සංසරණය වීම හේතුවෙන් මන්ත්රිනී කොට්ටහච්චිගේ කීර්ති නාමයට හානියක් සිදු වී ඇති බවට සඳහන්.
අදාළ පුද්ගලයින්ට එරෙහිව නීතිය ක්රියාත්මක කරමින් කඩිනමින් මෙම අපරාධය සිදු කරන පිරිස අත් අඩංගුවට ගෙන නීතිය හමුවට ඉදිරිපත් කිරීමට කටයුතු කරන බවයි මන්ත්රිනී කොට්ටහච්චි මහත්මියගේ නීතිඥවරු පවසා ඇත්තේ.
wpDiscuz
