මීටියාගොඩ, මලවැන්න ප්රදේශයේදී අද (01) පස්වරුවේ සිදු වූ වෙඩි තැබීම සම්බන්ධයෙන් සැකපිට පුද්ගලයෙක් අත්අඩංගුවට ගත් බව පොලිසිය පවසනවා.
එම සැකකරු සන්තකයේ තිබී වෙඩි තැබීම සඳහා යොදාගත් බවට සැකකරන ගිනි අවියද සොයා ගෙන තිබෙනවා.
මෙලෙස අත්අඩංගුවට ගෙන ඇත්තේ යතුරුපැදිය පැදවූ පුද්ගලයා බවයි පොලිසිය පවසන්නේ.
යතුරුපැදියකින් පැමිණි දෙදෙනෙක් විසින් මෝටර් රථයක ගමන් ගත් පිරිසක් ඉලක්ක කර මෙම වෙඩි තැබීම සිදුකර ඇති අතර වෙඩි වැදීමෙන් එක් පුදගලයෙක් රෝහල් ගතකර තිබෙන බවයි වාර්තා වන්නේ.
