මිනී මැරුම්, ස්ත්රී දූෂණ මෙන්ම ගෘහස්ථ ප්රචණ්ඩත්වයට සම්බන්ධයෙන් ලැබෙන පැමිණිලිවලින් 80%ක් වාර්තා වන්නේ මත්ද්රව්ය හේතුවෙන් බව පොලිස්පති දේශබන්දු තෙන්නකෝන් පවසනවා.
පාසල් දරුවන් මත් උවදුරින් මුදවා ගැනීමේ “සුරක්ෂිත හෙට දවසක්” ව්යාපෘතිය යටතේ විශ්වවිද්යාල සිසුන් බල ගැන්වීමේ වැඩමුළුවක් පොලිස්පති දේශබන්දු තෙන්නකෝන්ගේ ප්රධානත්වයෙන් කොළඹ විශ්වවිද්යාලයේදී ඊයේ (01) දින පැවැත්වුණා.
එම සමුළුව අමතමින් පොලිස්පතිවරයා මේ අදහස් පළ කළා.
විශ්වවිද්යාල ශිෂ්යයන් පුහුණු කර පාසල්වලට යොමු කිරීමෙන් මත්ද්රව්ය භාවිතයෙන් පාසල් දරුවන් මුදවා ගැනීම මෙම වැඩසටහනේ අරමුණයි.
ශ්රී ලංකා පොලිසීය, ජාතික තරුණ සේවා සභාව, විශ්වවිද්යාල කොමිෂන් සභාව, අධ්යාපන අමාත්යාංශය සහ අන්තරායකර ඖෂධ පාලක ජාතික මණ්ඩලය එක්ව “සුරක්ෂිත හෙට දවසක් ව්යාපෘතිය” මෙහෙයවනු ලබනවා.
කොළඹ විශ්විද්යාල විද්යාර්ථයන් විසින් පොලිස්පතිවරයා වෙත මෙහිදී සමරු තිළිණයක්ද පිරිනැමුවා.
