විදෙස් රටකට අදාළ ණය ගෙවීමකදී, මහ භාණ්ඩාගාරයට අයත් අමෙරිකානු ඩොලර් මිලියන 2.5ක මුදලක් අස්ථානගත වීමේ සිද්ධිය සම්බන්ධයෙන් ජනාධිපති අනුර කුමාර දිසානායක ඉදිරියේ දී පාර්ලිමේන්තුවේ දී ප්රකාශයක් සිදු කිරීමට නියමිත බව භාණ්ඩාගාර ලේකම් හර්ෂණ සූරියප්පෙරුම, රජයේ මුදල් පිළිබඳ කාරක සභාවේ සභාපති, පාර්ලිමේන්තු මන්ත්රී ආචාර්ය හර්ෂ ද සිල්වා වෙත දැනුම් දී තිබෙනවා.
ඇති වූ සිද්ධිය සම්බන්ධයෙන් කරුණු දැක්වීම සඳහා භාණ්ඩාගාර ලේකම්වරයාට රජයේ මුදල් පිළිබඳ කාරක සභාව හමුවේ අද (30) දිනයේ දී පෙනී සිටින ලෙස දැනුම් දී තිබුණා.
කෙසේ වෙතත් භාණ්ඩාගාර ලේකම් හර්ෂණ සූරියප්පෙරුම විසින් ලිපියක් මඟින් රජයේ මුදල් පිළිබඳ කාරක සභාවේ සභාපති, පාර්ලිමේන්තු මන්ත්රී ආචාර්ය හර්ෂ ද සිල්වා වෙත දැනුම් දී තිබුණේ, ඔහු අද දිනයේ දී කාරක සභාව හමුවේ පෙනී නොසිටින බවයි.
හර්ෂණ සූරියප්පෙරුම විසින් අදාළ ලිපියේ වැඩිදුරටත් සඳහන් කර ඇත්තේ මෙම සිද්ධිය සම්බන්ධයෙන් ජනාධිපතිවරයා ඉදිර්යේ දී පාර්ලිමේන්තුවේ දී ප්රකාශයක් සිදු කරන බැවින් තමන් මෙලෙස රජයේ මුදල් පිළිබඳ කාරක සභාව හමුවේ පෙනී නොසිටින බවයි.
