මල්වතුහිරිපිටිය පොලිස් වසමේ රදාවාන, පුස්සැල්ලාවත්ත ප්රදේශයේ නිවසක් තුළ දී පොරවකින් පහරදී පුද්ගලයෙකු ඝාතනය කර ඇති බව පොලිසිය පවසනවා.
ඊයේ (25) මෙලෙස ඝාතනයට ලක්ව ඇත්තේ වයස අවුරුදු 43ක බණ්ඩාරගම ප්රදේශයේ පදිංචිකරුවෙක්.
අපරාධය සිදුකළ බව කියන අවුරුදු 50ක රත්නපුර ප්රදේශයේ පදිංචිකරුවෙක් අත්අඩංගුවට ගෙන ඇති බවයි පොලිසිය සඳහන් කළේ.
ඝාතනය ලක් වූ පුද්ගලයා සැකකරු සමඟ ඇති වූ පුද්ගලික ආරවුලක් හේතුවෙන් සැකකරු විසින් තම නිවසේම වෙනත් කාමරයක නිදාගෙන සිටි මරණකරුට පොරවකින් පහරදී මෙම ඝාතනය සිදුකර ඇති බවයි සිදුකළ අනාවරණය වී ඇත්තේ.
මල්වතුහිරිපිටිය පොලිසිය විසින් සිද්ධිය සම්බන්ධයෙන් වැඩිදුර විමර්ශන සිදුකරනු ලබනවා.
