අධ්යාපන ප්රකාශන දෙපාර්තමේන්තුව විසින් නිකුත් කරන ලද පෙළපොත් තොගයක් අස්ථානගතවීම සම්බන්ධව මේ වන විට විමර්ශනයක් ආරම්භ කර ඇති බව අධ්යාපන අමාත්යාංශයේ ලේකම් නාලක කලුවැව සඳහන් කරනවා.
අධ්යාපන උසස් අධ්යාපන වෘත්තීය අධ්යාපන අමාත්යංශයේ දී අද (14) පැවති වැඩසටහනකින් අනතුරුව මාධ්ය වෙත අදහස් දක්වමින් ලේකම්වරයා මේ බව සඳහන් කළා.
මෙම පෙළපොත් තොගය ප්රවාහනය කිරීම කොන්ත්රාත් පදනම මත පෞද්ගලික ප්රවාහන ආයතනයක් විසින් සිදුකරන බවත්,
මෙම අස්ථානගත වූ පොත් තොගයේ වටිනාකම එම ආයතනයෙන් අය කර ගැනීමට කටයුතු කරන බත් ලේකම්වරයා වැඩිදුරටත් අදහස් දක්වමින් පැවසුවා.
අධ්යාපන ප්රකාශන දෙපාර්තමේන්තුව විසින් නිකුත් කෙරුණු රුපියල් ලක්ෂ 08ක් පමණ වටිනාකමකින් යුත් පෙළපොත් සහ ක්රියාකාරකම් පෙළපොත් තොගයක් නිරි පරිදි බෙදාහැරීමේ මධ්යස්ථානය වෙත භාරනොදී ඇති බවට පසුගිය 12 වැනිදා එම දෙපාර්තමේන්තුවේ නිලධාරියෙක් විසින් තලංගම පොලීසිය වෙත පැමිණිල්ලක් ඉදිරිපත් කර තිබුණා.
