ආහාර සහ ජලය ගබඩා කිරීම සඳහා දරුවන්ට ලබාදෙන ප්ලාස්ටික් කෑම පෙට්ටි සහ ජල බෝතල් පිළිබඳව මීට වඩා වැඩි අවදානයක් යොමුකළ යුතු බව ශ්‍රී ලංකා මහජන සෞඛ්‍ය පරීක්ෂකවරුන්ගේ සංගමය පවසනවා.
එම සංගමයේ සභාපති උපුල් රෝහණ සඳහන් කළේ දරුවන් පාවිචිකරනු ලබන ප්ලාස්ටික් කෑම පෙට්ටි සහ ජල බෝතල්වලින් 75%කට වැසි ප්‍රමාණයක් කෑම සහ ජලය දැමීමට නුසුදුසු තත්ත්වයේ පවතින බවයි.
යුරෝපය ඇතුළු රටවල් ගනනාවක භාවිතය සදහා තහනම් කර ඇති නමුත් චීනය ඇතුළු රටවල් කීපයකින් මෙරටට ගෙන්වන භාවිතයට නුසුදුසු වතුර බෝතල් සහ කෑම පෙට්ටි දේශීය වෙළඳපොළ තුළ අලෙවි වන බවද ඔහු මෙහිදී සඳහන් කර සිටියා.
“දරුවන් සදහා භාවිතයට වෙළදපොළේ තිබෙන ප්ලාස්ටික් වතුර බෝතල් සහ කෑම පෙට්ටි බහුතරයක් නිපදවලා තිබෙන්නේ අනාරක්ෂිත ප්ලාස්ටිකවලින් බව වෙළදපොළ නිරීක්ෂණවල දී තහවරු වුණා. භයානකම තත්ත්වය තමයි මේවගේ බිස්ෆීනෝල් A වැනි පිළිකාකරන අඩංගු වෙන්න පුළුවන්. එවැනි අනාරක්ෂිත ප්ලාස්ටික් උපකරණ ආහාර පාන සදහා භාවිත කිරීමෙන් දරුවන්ට පිළිකා වැළදීමේ අවධානම, මදසරුභාවය, ලිංගික දුබලතාවය වැනි ප්‍රජනක පද්ධතිව ආශ්‍රිත ව්‍යාකූලතා වගේම පියයරු පිළිකා වැනි තත්ත්වයන්ට මුහුණ දෙන්න වෙනවා. මේක දරුවන්ගේ සෞඛ්‍ය සම්බන්ධය භයානක තත්ත්වයක්. ඒ නිසා අංක 5 සහ ආරක්ෂිත සලකුණ සඳහන් වතුර බෝතල් සහ කෑම පෙට්ටි පමණක් දරුවන් වෙනුවෙන් මිලදි ගන්න කියලා සමස්ත මහජනතාවගෙන් ඉල්ලීමක් කරනවා. ඒ වගේම ආරක්ෂිත අංකය සහ සලකුණු සඳහන් නොවන හෝ කිසිදු අංකයක් සඳහන් නොවන ප්ලාස්ටික් ආහාර ඇසුරුම් උපකරණ අලෙවිකරණ ව්‍යාපාරිකයන්ට එරෙහිව ආහාර පණතට අනුව නඩු පැවරීමට කටයුතු කරනවා.”
wpDiscuz
