මධ්යම පරිසර අධිකාරිය සිදුකළ වැටලීමක දී ප්රමිතියෙන් තොර පොලිතීන් ලන්ච්ෂීට් (ප්ලාස්ටික් පොලිතීන්වලින් නිෂ්පාදනය කළ ලන්ච්ෂීට්) කිලෝග්රෑම් 2,210ක් අත්අඩංගුවට ගෙන තිබෙනවා.
ලැබුණු තොරතුරකට අනුව වැල්ලම්පිටිය ප්රදේශයේ පවතවාගෙන ගිය නීති විරෝධී ලන්ච්ෂීට් නිෂ්පාදන කර්මාන්තශාලාවක් පසුගිය දා වටලා මෙම ලන්ච්ෂීට් තොගය අත්අඩංගුවට ගත් බවයි මධ්යම පරිසර අධිකාරිය සඳහන් කළේ.
එහිදී ජාතික පාරිසරික පනතේ විධිවිධාන අනුව මධ්යම පරිසර අධිකාරිය විසින් කර්මාන්තශාලා හිමිකරුට එරෙහිව නීතිමය පියවර ගැනීමට කටයුතු කර තිබෙනවා.
මධ්යම පරිසර අධිකාරිය, ශ්රී ලංකා පොලීසිය, පාරිභෝගික කටයුතු පිළිබඳ අධිකාරිය, පරිසර අමාත්යාංශය, සෞඛ්ය හා ජනමාධ්ය අමාත්යාංශය සහ කර්මාන්ත අමාත්යාංශය ඇතුළු රාජ්ය ආයතන ගණනාවක් එක්ව ප්ලාස්ටික් මගින් සමස්ත සමාජයට ම සිදුවන ව්යසනය පිළිබඳ අවධානය යොමුකර නීති විරෝධී ප්ලාස්ටික් භාණ්ඩ නිෂ්පාදනය සහ වෙළෙඳාමට එරෙහිව දැඩිව නීතිය ක්රියාත්මක කිරීම සඳහා වැඩපිළිවෙළක් ක්රියාත්මක කර තිබෙනවා.
ඒ අනුව, මෙම නීතිවිරෝධී භාණ්ඩ නිෂ්පාදනය සහ වෙළෙඳාම් කිරීමෙන් වැළකී නීතිමය ගැටලු ඇතිවීමේ අවධානමෙන් වළකින ලෙසත්, සමාජ වගකීමක් ලෙස සළකා අදාළ භාණ්ඩ පරිභෝජනය කිරීමෙන් වළකින ලෙසත්; මෙම සමස්ත ක්රියාවලියට සම්බන්ධ වන නිෂ්පාදකයන්ගෙන්, වෙළෙඳ ප්රජාවගෙන් සහ සමස්ත පාරිභෝගික ජනතාවගෙන් මධ්යම පරිසර අධිකාරිය ඉල්ලා සිටිනවා.
