සිය ත්රිරෝද රථය හදිසියේ ම අධික වාහන තදබදයක් පවතින අවස්ථාවක මහා මාර්ගය මධ්යයේ දී ඉන්ධන අවසන් ව නතර වීම හේතුවෙන් පොලිස් රථ වාහන අංශයේ නිලධාරීන් විසින් දඩ කොළයක් ලිවීමට යාමේ දී; අදාළ රියදුරාගෙන් නීතිය ක්රියාත්මක නොකර සිටීමට නම්; කිසියම් වාසියක් පොලිසිය වෙනුවෙන් කළ හැකි දැයි විමසනු ලැබූ බව අසාධාරණයට ලක් වූ ත්රීරෝද රථ රියදුරෙකු චෝදනා කරනවා.
අද (28) දහවල් 1ට පමණ මෙම සිදුවීම කොළඹ ශාන්ත මයිකල් හන්දියේ දී සිදු ව ඇති බවයි දඩ කොළයෙහි සඳහන් ව ඇත්තේ.
අදාළ රියදුරාගේ ත්රීරෝද රථය මාර්ගය මැද නතර වී ඇත්තේ ඉන්ධන නොමැති වීම හේතුවෙන් බවත්; ඉන්ධන අවශ්ය ප්රමාණයට රථයෙහි ගබඩා නොකර ගමනාන්තය තෙක් ධාවනයේ නො යෙදවීමේ චෝදනාවටයි ඔහුට එරෙහිව දඩ කොළයක් පොලිසිය විසින් ලියා ඇති බවට වාර්තා වන්නේ.
මෙම රියදුරා මට්ටක්කුලිය ප්රදේශයේ පදිංචිකරුවෙකු වන අතර; ඔහුට විරුද්ධව කොල්ලුපිටිය පොලිසියේ රථ වාහන අංශයේ සේවය කරන නිලධාරියෙකු විසින් මෙම දඩ කොළය ලියා තිබෙනවා.
මල්ලි මම නම් ඔයා ගැන ලැජ්ජා වෙනවා නීතිය දන්නැති කමට. ඉන්ධන අවශ්ය ප්රමාණයට නැතුව වාහනය කොහොමද මහා පාරට දාන්නේ. අනිත් වාහන වලට ද අවහිරතා ඇති වෙනවා. ඒකට දඩයක් ගෙවීමට සිදුවෙනවා.
පොලීසිය ඔයාගෙන් මොනවා හරි ඉල්ලුවා නම් එය වැරදියි. එය ඔප්පු කරලා ඔවුන්ට විරුද්ධව නීතියෙන් ඔවුන්ට දඬුවම් ලබාදිය හැකියි. මට බැනලා කොමන්ට් කරන්න එපා. මං මැදපෙරදිග රැකියාව කරනකොට ඔය වගේ දෙයක් සිද්ධ වුණා. මගේ වාහනේ මහා පාරේ නැවතුනා එවෙලේ පොලීසියෙන් ඇවිත් වාහනයේ යතුර ඔන් කරලා බැලුවා ඉන්ධන තියෙනවාද කියලයි. පස්සේ තමයි මං අවබෝධ කරගත්තේ නීතිය ගැන.
Ow Rasika Kiyana Eka hari.careless driving.
ඔව්, ලියන්න පුලුවන් වරදක්. ලයිසන් ගත්තෙ හොරපාරෙන්ද?