තණමල්විල, ගල්වලයාය ප්‍රදේශයේ ඊයේ (08) රාත්‍රියේ වෙඩි තැබීමක් සිදුව තිබුණා.
නිවසක රැඳී සිටි පුද්ගලයෙකුට ඊයේ රාත්‍රී 8.30ට පමණ මෙම වෙඩි තැබීම සිදුකර ඇති බවයි තොරතුරු වාර්තා වුණේ.
වෙඩි වැදීමෙන් එම පුද්ගලයාගේ පාදයකට තුවාල සිදුව ඇති අතර, තුවාල ලැබූ එම පුද්ගලයා තණමල්විල රෝහලට ඇතුළත් කිරීමට කටයුතු කර තිබුණා.
එලෙස තණමල්විල රෝහලට ඇතුළත් කළ එම පුද්ගලයා වැඩිදුර ප්‍රතිකාර සඳහා හම්බන්තොට මහ රෝහලට මේ වනවිට මාරුකර යවා ඇති බවයි පොලිසිය සඳහන් කළේ.
වෙඩික්කරුවන් පිළිබඳව මෙතෙක් තොරතුරු අනාවරණය වී නොමැති අතර, තණමල්විල සහකාර පොලිස් අධිකාරීවරයාගේ උපදෙස් මත තණමල්විල පොලිසිය සිද්ධිය පිළිබඳව වැඩිදුර විමර්ශන සිදුකරනු ලබනවා.
