පුහුණුවීම් අතර තුර ආබාධයකට ලක් වූ ශ්‍රී ලංකා වේගපන්දු යවන ක්‍රීඩක ඩිල්ෂාන් මධුසංකට නැමීබියාවට එරෙහිව හෙට (16) ගීලොන්ග් හිදී පැවැත්වෙන තරගය අහිමි වනු ඇති බව ඕස්ට්‍රේලියාවෙන් වාර්තා වනවා.
ගීලොන්ග් – කාර්ඩිනියා පාර්ක් හිදී අද පැවති පුහුණු සැසිය අතරතුර ඩීල්ෂාන් මධුසංඛ ආබාධයකට ලක් වුණා.
ඔහුගේ කලවයේ ඉදිරිපස කොටසේ මාංශ පේශීවල යම් ආබාධයක් ඇතිව තිබෙන බවටයි මූලික පරීක්ෂණවල දී තහවුරු වී ඇත්තේ.
කෙසේ ඩිල්ෂාන් මධුසංඛ ස්කෑන් පරීක්ෂණයක් සඳහා යොමු කිරීමට පියවර ගෙන තිබෙනවා.
Update – October 15, 2022, 2.00 PM
ඩිල්ෂාන් මධුසංක ආබාධයකට ලක්වෙයි
විස්සයි විස්ස ලෝක කුසලාන තරගාවලියට එක්ව සිටින ශ්‍රී ලංකා කණ්ඩායමේ වේග පන්දු යවන ක්‍රීඩක ඩිල්ෂාන් මධුසංක පුහුණුවීම අතර තුර ආබාධයකට ලක්ව තිබෙනවා.
ඔහු MRI පරීක්ෂණයකට ද යොමුකර ඇති බව තොරතුරු වාර්තා වන්නේ.
ඔහුගේ කලවයේ ඉදිරිපස කොටසේ මාංශ පේශීවල යම් ආබාධයක් ඇතිව ඇති බවටයි මූලික පරීක්ෂණයේදී තහවුරු වී ඇත්තේ.
ඔහුගේ ආබාධය සම්බන්ධ වැඩිදුර වාර්තාව අද පස්වරුව වනවිට දැනගැනීමේ හැකියාව පවතින බව සඳහන්.
