ශ්රී ලංකා රක්ෂණ නියාමන කොමිෂන් සභාව, ශ්රී ලංකා රක්ෂණ සංගමය සහ රක්ෂණ කර්මාන්තයේ අනෙකුත් පාර්ශවකරුවන් එක්ව ගනු ලැබූ තීරණයකට අනුව 2026 මැයි 01 දින සිට රක්ෂණ ආයතන මඟින් මෝටර් රථ රක්ෂණ සහතික පත්ර වෙනුවට, ඩිජිටල් මෝටර් රථ රක්ෂණ කාඩ්පත් නිකුත් කිරීමට තීරණය කර තිබෙනවා.
එසේම, කෘෂිකර්ම, පශු සම්පත්, ඉඩම් හා වාරිමාර්ග අමාත්යාංශය යටතේ ක්රියාත්මක වන 1999 අංක 20 දරණ කෘෂිකාර්මික හා ගොවිජන රක්ෂණ පනත මගින් ස්ථාපිත කෘෂිකාර්මික හා ගොවිජන රක්ෂණ මණ්ඩලය විසින් නිකුත් කරනු ලබන රථවාහන රක්ෂණය සඳහා ද 2026 ජූලි මස 20 දින සිට ඩිජිටල් රක්ෂණ කාඩ්පතක් නිකුත් කිරීමට පියවර ගෙන තිබෙනවා.
මේ සම්බන්ධයෙන් පොලිස්පතිවරයාගේ විශේෂ අවධානය යොමු වීමෙන් පසු දිවයින පුරා පිහිටි සියලුම පොලිස් ස්ථාන වෙත අවශ්ය නියෝග සහ උපදෙස් මේ වන විටත් ලබා දී ඇති බවයි පොලිස් මධ්ය කොට්ඨාසය සඳහන් කරන්නේ.
ඩිජිටල් මෝටර් රක්ෂණාවරණ ලබා දෙන ආකාරය.
ශ්රී ලංකා රක්ෂණ නියාමන කොමිෂන් සභාව, ශ්රී ලංකා රක්ෂණ සංගමය සහ රක්ෂණ කර්මාන්තයේ අනෙකුත් පාර්ශවකරුවන් රක්ෂණාවරණ ලබා දෙන ආකාරය
ඩිජිටල් මෝටර් රථ රක්ෂණ කාඩ්පත (Digital Motor Insurance Card)
මුද්රිත සහතිකයක් ( රක්ෂණ හිමියාගේ ඉල්ලීම මත පමණක්)
රක්ෂණ සමාගම මඟින් රක්ෂණ හිමියාට ජංගම දුරකථන යෙදුමක් මඟින් (Phone App) ලබාදෙන ඩිජිටල් රක්ෂණ කාඩ්පත
කෘෂිකාර්මික හා ගොවිජන රක්ෂණ මණ්ඩලය විසින් ඩිජිටල් මෝටර් රථ රක්ෂණාවරණ ලබා දෙන ආකාරය
ඩිජිටල් මෝටර් රථ රක්ෂණ කාඩ්පත (Digital Motor Insurance Card)
මුද්රිත සහතිකපත් (රක්ෂණ හිමියන්ගේ ඉල්ලීම අනුව)
