ජනප්රිය ඉන්දීය නිරූපිකාවක් වන සැන් රෙචල් සියදිවි හානිකරගෙන ඇති බව වාර්තා වනවා.
ඉන්දීය පොලිස් ආරංචි මාර්ග පවසන්නේ සැන් රෙචල් ඇයගේ පියාගේ නිවසට ගිය පසු කිසියම් බෙහෙත් පෙති වර්ගයක් අධික වශයෙන් පානය කර මෙලෙස සියදිවි හානිකරගෙන ඇති බවයි.
පෙති පානය කිරීමෙන් අනතුරුව අසාධ්ය තත්ත්වයේ පසු වූ ඇයව මුලින් රජයේ රෝහලකට ඇතුළත් කර ඇති අතර, පසුව ඇයව පෞද්ගලික රෝහලකට මාරුකර යවා තිබෙනවා.
එම පෞද්ගලික රෝහලෙන් ඇයව ජවහර්ලාල් පශ්චාත් උපාධි වෛද්ය අධ්යාපන හා පර්යේෂණ ආයතනය වෙත මාරුකර යවා ඇති අතර, එහිදී ඇය මියගොස් ඇති බවයි වාර්තා වන්නේ.
අධික මූල්ය අර්බුදය සහ පෞද්ගලික පීඩනය ඇයව මෙම අන්ත පියවර ගැනීමට තල්ලු කළ බවට විමර්ශකයින් සැකපළ කරනවා.
මේ අතර පොලිසිය විසින් සොයා ගන්නා ලද සියදිවි නසාගැනීමට පෙර ඇය ලියූ සටහනක සඳහන්ව ඇත්තේ ඇගේ මරණයට කිසිවෙකු වගකිව යුතු නැති බවයි.
අඳුරු සමක් ඇති පුද්ගලයින්, විශේෂයෙන් කාන්තාවන් මුහුණ දෙන වෙනස්කම් කිරීම් පිළිබඳව හඬ නැගූ තැනැත්තියක් ලෙස ඇය ප්රසිද්ධියට පත්ව සිටියා.
