ජනාධිපති අනුර කුමාර දිසානායක මහතා හෙට (25) දිනයේ දී විශේෂ ප්රකාශයක් සිදු කරමින් ජාතිය ඇමතීමට නියමිත ව තිබෙනවා.
ජනාධිපති මාධ්ය අංශය නිවේදනය කළේ ජනාධිපතිවරයා හෙට රාත්රී 7.30ට ජාතිය ඇමතීමට සූදානම් බවයි.
ජනාධිපති අනුර කුමාර දිසානායක මහතා 21 පැවති ජනාධිපතිවරණයේ දී ජයග්රහණය කරමින් 22 වැනිදා පෙරවරුවේ ජනාධිපති ධුරයෙහි දිවුරුම් දුන්නා.
ඉන් අනතුරුව අද දිනයේ දී නව අග්රාමාත්යවරිය ලෙස ආචාර්ය හරිනි අමරසූරිය පත් කෙරුණු අතර; ඊට අමතරව අමාත්යාංශ 15කින් සමන්විත කැබිනට් මණ්ඩලය ද සාමාජිකයින් තිදෙනකුට සීමා කරමින් පත් කෙරුණා.
එහි ජනපති, අගමැතිනිට අමතරව ඇත්තේ එක් කැබිනට් අමාත්යවරයෙකු වීම ද විශේෂත්වයක්.
මෙය ඉතිහාසයේ ජනාධිපතිවරයෙකු මෙරට පත් කළ කුඩාම කැබිනට් මණ්ඩලය ද වනවා.
එමෙන්ම ජනාධිපතිවරයා අද දිනයේ දී අමාත්යාංශ ලේකම්වරුන් ද පත් කර තිබෙනවා.
