ශ්රී ලංකා ක්රිකට් ආයතනයේ සභාපති ෂම්මි සිල්වා සහ ලේකම් මොහාන් ද සිල්වා යන අයට අපහාසාත්මක ප්රකාශ සිදුකිරීම වළක්වාලමින් පාර්ලිමේන්තු මන්ත්රී හේෂා විතානගේ වෙත අතුරු තහනම් නියෝගයක් නිකුත් කරන ලෙස සිදුකෙරුණු ඉල්ලීමක් කොළඹ දිසා අධිකරණය ප්රතික්ෂේප කළා.
ශ්රී ලංකා ක්රිකට් ආයතනයේ සභාපතිවරයා සහ ලේකම්වරයා විසින් ඉදිරිපත් කළ පැමිණිල්ලක් යළි කැඳවනු ලැබූ අවස්ථාවේ දී කොළඹ දිසා විනිසුරු සඳුන් විතානගේ විසින් මෙම නියෝගය නිකුත් කරනු ලැබුවා.
ඉන් අනතුරුව නඩුවට අදාළ ප්රතිවිරෝධතා නොවැම්බර් මස 29 වනදා ඉදිරිපත් කරන ලෙසත් විනිසුරුවරයා විසින් පාර්ශ්වකරුවන්ට නියෝග කර සිටියා.
ශ්රී ලංකා ක්රිකට් ආයතනය සම්බන්ධයෙන් නිකුත් කෙරුණු විගණන වාර්තාවක් පදනම් කරගෙන ඉකුත් ජූලි මස 23 වනදා හේෂා විතානගේ මන්ත්රීවරයා විසින් පැවැත් වූ මාධ්ය සාකච්ඡාවකින් තමන්ට අපහාසයක් සිදු වූ බවට චෝදනා කරමින් මෙම ශ්රී ලංකා ක්රිකට් ආයතනයේ සභාපතිවරයා සහ ලේකම්වරයා විසින් මෙම පැමිණිල්ල ඉදිරිපත් කර තිබුණා.
ශ්රී ලංකා ක්රිකට් ආයතනයෙන් කරුණු විමසීමක් සිදුකරන තුරු එම වාර්තාව ප්රසිද්ධියට පත් නොකරන බවට එකඟත්වයක් තිබිය දී මන්ත්රීවරයා එය නීතියට පටහැනි ආකාරයෙන් ලබාගෙන ප්රසිද්ධියට පත්කිරීම තුළින් සිදු වූ අපහාසය වෙනුවෙන් රුපියල් කෝටි 150ක වන්දියක් එම මන්ත්රීවරයාගෙන් අය කර දෙන ලෙස ඉල්ලමින් මෙම නඩුව ගොනුකර තිබුණා.
RACE BY RACE SUMATHIYA GE BATH BELA GOTTO RELA. CRICKER WINASA KALA DENNEK INNAWA UPALIS SAHA HILANGA. 1996 WC EKA DINAPU HATIYE ANA PUNCHIHEWA LEDA ANDHE INDHITHDHI EYAWA PANNALA AWA AWAMAYI EDHA INDHAN KOHOMA HARI ELLILA INNAWA. EDHA INDHALAMA CRICKET WALATA WAGA THUGAK NAHE, WEGEN WATUNA. SERIES PITIN WIKINUWA. CUP KEEYAK DEELA DAMMA DHA.