කටුනායක ගුවන් තොටුපොළ ඉතිහාසයේ විශාලතම මත්ද්රව්ය වැටලීම සිදුකරමින් රේගු මත්ද්රව්ය පාලන අංශයේ නිලධාරීන් විසින් රුපියල් කෝටි 36ක් වටිනා හෂීස් මත්ද්රව්ය තොගයක් අත්අඩංගුවට ගෙන තිබෙනවා.
මේ සමඟ විදෙස් ජාතික කාන්තාවක් ද ඊයේ (15) රාත්රියේ අත්අඩංගුවට ගෙන ඇති බවයි වාර්තා වුණේ.
අත්අඩංගුවට ගැනුණු කාන්තාව 36 හැවිරිදි කැනඩාව ජාතිකාවක් බවයි තොරතුරු වාර්තා වන්නේ.
මෙම කාන්තාව කැනඩාවේ ටොරෙන්න්ටෝ නුවර සිට ගමන් ආරම්භ කර, එක්සත් අරාබි එමීර් රාජ්යයේ අබුඩාබි නුවර වෙත පැමිණ එතැන් සිට ඉටිහාඩ් ගුවන් සේවයේ ඊ.වයි.- 936 දරණ ගුවන් යානයෙන් ඊයේ (15) රාත්රී 08.30ට කටුනායක ගුවන් තොටුපොළ වෙත පැමිණ තිබුණා.
රේගු මත්ද්රව්ය පාලන අංශයේ නිලධාරීන් වෙත ජාත්යන්තර වශයෙන් ලැබී තිබූ බුද්ධි තොරතුරක් මත, ඇය පැමිණි ගුවන් යානය වෙත ගොස් එම නිලධාරීන් මෙම අත්අඩංගුවට ගැනීම සිදුකර තිබෙනවා.
ඇය විසින් රැගෙන ආ ගමන් මළු දෙකක් තුළ, ඇද ඇතිරිළි කීපයක් තුළ ඔතා සඟවා ගෙන , කිලෝ ග්රෑම් 36යි ග්රෑම් 500ක බරකින් යුතු මෙම හෂීෂ්’ මත්ද්රව්ය තොගය, සුළං කාන්දු නොවන පොලිතින් ඇසුරුම් 12ක් තුළ ඔතා ඇසුරුම් 72ක් ලෙස සකස්කර ගෙන මෙලෙස දිවයිනට රැගෙන පැමිණ තිබුණා.
මෙම හෂීෂ් මත්ද්රව්ය තොගය බොහෝ විට, වෙනත් රටකට ප්රති අපනයනය කිරීම සදහා මෙරටට රැගෙන එන්නට ඇතැයි , රේගු මත්ද්රව්ය පාලන අංශයේ නිලධාරීන් සැකපළ කරනවා.
අත්අඩංගුවට ගැනුණු මෙම කාන්තාව දැඩි ලෙස මත්ද්රව්ය සදහා ඇබ්බැහි වී සිටින තැනැත්තියක් බවයි අනවරණය වී ඇත්තේ.
