spot_img
AFC Banner
Empty Ad
Empty Ad

එජාපයේ විශේෂ සම්මේලනය හෙට (21) කොළඹදී

එක්සත් ජාතික පක්ෂයේ විශේෂ සම්මේලනය හෙට කොළඹ සුගතදාස ගෘහස්ත ක්‍රීඩාංගනයේ දී පැවැත්වෙනවා.

පස්වරු දෙකට එය ආරම්භ කිරීමටයි නියමිතව ඇත්තේ.

චීන සංචාරයෙන් පසුව ජනාධිපතිවරයා මෙහිදී ජනතාවට වැදගත් ප්‍රකාශයක් සිදුකිරීමට නියමිත බවයි පක්ෂ සභාපති පාර්ලිමේන්තු මන්ත්‍රි වජිර අබේවර්ධන මහතා පවසන්නේ.

එක්සත් ජාතික පක්ෂයේ විශේෂ මහ සමුළුව පැවැත්වෙන සුගතදාස ගෘහස්ත ක්‍රීඩාංගනයේ නිරීක්ෂණ චාරිකාවකට එක්වෙමින් වජිර අබේවර්ධන මහතා මේ බව කියා සිටියා.

ඔහු තවදුරටත් කියා සිටියේ රටට අවශ්‍ය නව ජාතික එකඟතාවකට සරිලන ව්‍යවස්ථාවක් හෙට එළිදක්වන බවයි.

ජාත්‍යන්තරය දිනා ගත හැකි එකම නායකයා රනිල් වික්‍රමසිංහ මහතා බව ක්‍රියාවෙන් ඔප්පු කර ඇතැයි එක්සත් ජාතික පක්ෂ මහලේකම් පාලිත රංගේ බණ්ඩාර මහතා මෙහිදී අදහස් දක්වමින් සඳහන් කළා.

රාජ්‍යතාන්ත්‍රිකයන් වෙනත් දේශපාලන පක්ෂ හිතවතුන් වෘත්තිය සමිති සිවිල් සංවිධාන මෙන්ම තවත් විශාල පිරිසක් හෙට පක්ෂ සම්මේලනයට සහභාගී වීමට ඉල්ලීම් ඉදිරිපත් කර ඇති බවයි ඔහු කියාසිටියේ.

කෙසේවෙතත් හෙට කැඳවා ඇත්තේ ඡන්දය භාවිත කිරීමේ බලය සහිත කණ්ඩායම පමණක් බව මහලේකම්වරයා ප්‍රකාශ කළා.

ඔබේ ප්‍රතිචාරය කුමක්ද ?
+1
0
+1
0
+1
1
+1
0
+1
0
+1
0
+1
0
Subscribe
Notify of
0 Comments
Inline Feedbacks
සියලු ප්‍රතිචාර බලන්න !

?