ඉන්දියාවේ ජම්මු කාශ්මීරයේ දෝඩා ප්රදේශයේදී බස් රථයක් ප්රපාතයකට පෙරලීමෙන් පුද්ගලයන් 36 දෙනෙකු මිය ගොස් තවත් 19 දෙනෙකු තුවාල ලබා තිබෙනවා.
මගීන් 55 දෙනෙකු රැගත් බස් රථය Batote-Kishtwar මහා මාර්ගයේ Trungal-Assar අසලදී මාර්ගයෙන් ඉවතට පැන අඩි 300ක් පහළට වැටී ඇති බවයි විදෙස් මාධ්ය වාර්තා කළේ.
තුවාල ලබා ඇති අයගෙන් ඉන් 6 දෙනෙකුගේ තත්වය බරපතල බව ද සඳහන්. තුවාල ලැබූවන් ඩෝඩා සහ කිෂ්ත්වාර් හි රජයේ රෝහල් වෙත යොමු කර තිබෙනවා.
තුවාලකරුවන් ගුවන්ගත කිරීම සඳහා හෙලිකොප්ටර් සේවාවක් ද සූදානම් කරමින් සිටින බව සඳහන්.
ඉන්දීය ජනාධිපති ද්රවුපදි මුර්මු සහ සහ අගමැති නරේන්ද්ර මෝදි අනතුර සම්බන්ධයෙන් සිය ශෝකය ප්රකාශ කර තිබෙනවා.
අනතුරින් මියගිය පුද්ගලයින්ගේ පවුල්වලට රුපියල් ලක්ෂ 2 බැගින් සහ තුවාල ලැබූවන්ට රුපියල් 50,000 බැගින් වන්දි මුදලක් ලබාදෙන බව අග්රාමාත්යවරයා ප්රකාශ කර ඇති බව ද සඳහන්.
