වයස අවුරුදු 13ක පාසල් සිසුවියක් පැහැර ගෙන ගොස් දූෂණය කිරීමේ සිද්ධියක් සම්බන්ධයෙන් වයස අවුරුදු 35ක විවාහකයෙක් මාරවිල පොලිසිය විසින් අත්අඩංගුවට ගෙන තිබෙනවා.
මෙලෙස අත්අඩංගුවට ගෙන ඇත්තේ මහවැව, කුඩාවැව ප්‍රදේශයේ පදිංචිකරුවෙක්.
ළමා උපකාරක සේවය විසින් ලබා දී තිබූ තොරතුරක් මත මාරවිල පොලීසියේ ළමා හා කාන්තා කාර්යංශයේ ස්ථානාධිපතිවරිය විසින් සිද්ධියට සම්බන්ධ දැරිය කැදවා ප්‍රකාශයක් ලබාගෙන තිබෙනවා.
සැකකරු තම පියාගේ මිතුරෙකු බවත්, ඒ හරහා ඔහු හදුනාගත් බවත් දැරිය පොලීසියට පවසා ඇති බව සඳහන්.
පියාගේ දුරකථනය ඔස්සේ නිතර ඔහු සමඟ කතා බහ කරමින් ප්‍රේම සම්බන්ධතාවයක් ආරම්භ කර පවත්වා ගෙන ගිය බවත් ඇය පොලිසිය හමුවේ පවසා තිබෙනවා.
එම පුද්ගලයා විවාහකයෙකු බව තමන් දැන සිටි බවත් දැරිය පොලීසියට හෙළිකර ඇති බවට ද තොරතුරු වාර්තා වනවා.
පසුගිය ජූලි මස 05 වනදා මුහුදු වෙරළට යාම සදහා යැයි පවසා සැකකරු දැරිය ගෙන්වාගෙන ඇයව මහවැව ප්‍රදේශයේ ලැඟුම්හලකට කැඳවාගෙන ගොස් පළමු වරට ඇය සමඟ අඹුසැමි ඇසුරක් පවත්වා ඇති බව විමර්ශණවල දීඅනාවරණය වී තිබෙනවා.
අනතුරුව තවත් අවස්ථා දෙකකදී එම ලැඟුම්හලේදීම සැකකරු තමන් සමඟ අඹුසැමි සම්බන්ධතා පැවැත්වූ බවද දැරිවිය පොලීසිය හමුවේ පවසා තිබෙනවා.
දුෂණයට ලක්වූ දැරිය වෛද්‍ය පරීක්ෂණයක් සදහා මාරවිල මූලික රෝහලේ අධිකරණ වෛද්‍ය නිලධාරීවරයා වෙත යොමු කිරීමටයි පියවර ගෙන ඇත්තේ.
සැකකරු මාරවිල මහේස්ත්‍රාත්වරයා වෙත ඉදිරිපත් කිරීමට නියමිත බව පොලිසිය සඳහන් කළා.
