අවිශ්කගේ සුපිරි ඉනිමෙන් ශ්‍රී ලංකාවට දැවැන්ත ජයක්

ඇෆ්ගනිස්ථාන A කණ්ඩායම සමඟ පැවැති එක්දින තරගය ජය ගැනීමට ශ්‍රී ලංකා A කණ්ඩායම අද (13) සමත් වුණා.

දඹුල්ල ජාත්‍යන්තර ක්‍රිකට් ක්‍රීඩාංගණයේ දී පැවති මෙම තරගය ඩක්වත් ලුවිස් න්‍යායට අනුව ශ්‍රී ලංකා A කණ්ඩායම ජයග්‍රහණය කළේ කඩුලු 08කින්.

මෙම තරගයේ පළමුව පන්දුවට පහර දුන් ඇෆ්ගනිස්ථාන A කණ්ඩායම පන්දුවාර 49යි පන්දු 04ක් තුළ සියලු දෙනා දැවී ලකුණු 245ක් රැස් කළා.

ඇෆ්ගනිස්ථාන ඉනිම වෙනුවෙන් හසන් ඉශකිල් ලකුණු 46ක් සහ බහිර් ෂාහ් ලකුණු 44ක් වාර්තා කළා.
පන්දුයැවීමේ දී චාමික ගුණසේකර කඩුලු 03ක් බිඳ දැමුවා.

තරගයේ ජයග්‍රහණය සඳහා ලකුණු 245ක ඉලක්කයක් හඹා ගිය ශ්‍රී ලංකා ඉනිමට වර්ෂාවෙන් බාධා එල්ලවීමත් සමඟ ඩක්වත් ලුවිස් න්‍යායට අනුව ජයග්‍රහණය සඳහා පන්දුවාර 41ක් තුළ ලකුණු 231ක ඉලක්කයක් හිමි වුණා.

එම ඉලක්කය පන්දුවාර 28යි පන්දු එකක් තුළ කඩුලු 02ක් පමණක් දැවී පසුකර යමින් ශ්‍රී ලංකා A කණ්ඩායම මෙම තරගය ජයගත්තා.

එහිදී ශ්‍රී ලංකා කණ්ඩායම ජයග්‍රහණය කරා රැගෙන ගිය අවිශ්ක ප්‍රනාන්දු නොදැවී ලකුණු 108ක් සහ සදීර සමරවික්‍රම නොදැවී ලකුණු 60ක් රැස් කළා.

පන්දු 79ක් තුළ ලකුණු 108ක් රැස්කළ අවිශ්කගේ මෙම ඉනිමට හතරේ පහර 14ක් සහ හයේ පහර 03ක් ඇතුළත් වුණා.