ප්රේක්ෂකයන්ගේ ආදරය දිනාගත් ගායන ශිල්පිනි අභිෂේකා විමලවීර මුහුණු පොතෙත් සක්රීය චරිතයක්. පසුගිය දිනෙක ඇය ලියූ සංවේදී සටහනකට බොහෝ දෙනෙකු අපූරූ ප්රතිචාර දක්වලා තිබුණා.
ඒ සංවේදී සටහන පහතින්
පන්සලට එන්න දන්නෙ නැති නැට්ටිච්චියො..
ඇදුමෙ පාට!
රෝස පාටට දිලිසි දිලිසි..අනේ අම්මප මුන්ගෙ අම්මල තාත්තල මැරිලද?
කැලණිය පන්සලට ගොඩවුණු ගමන්ම මට ඇහුනෙ උපාසක අම්මා කෙනෙකුගෙ සැර වචන පොකුරක්..
පැත්තක බුදුරුව දිහා බලාගෙන කිසිවක් නෑහුනා වගේ ,ඇස් පියාගෙන වැදගෙන හිටියෙ අර රෝස ගවුම ඇදගෙන පන්සලට ආපු ගෑනු ළමයා..
ඇදුමෙ පාට නම් ටිකක් සැරයි තමා..මටත් හිතුනා..
පැයකින් විතර ඇය ඇස් ඇරියා..
“ටිකක් බැනුම් ඇහුවා නේද? ඇයි රෝස පාට?”
මං ඇගෙන් ඇහුවෙ සංකර රෝස ගවුමෙ නැති සංවරකමක් ඇගේ ඇස් වලින් දුටු නිසා.
අනේ අභී….
මගේ අම්මාට පිළිකාවක්.අද අප්පච්චිට පැය 8ක ඔපරේෂන් එකක්.
මට සුදු ඇදුම් ඕනෙ තරම් තියෙනවා.ඒත් මේ දවස් වල මම ළා පාටට බයයි….
ඇය කිව්වා…
අභී!
