අද (10) පෙරවරුවේ හෝමාගම – විකල්ප මාර්ගයේ තිබී සොයාගත් 35 හැවිරිදි පුද්ගලයාගේ අනන්යතාව හෙළි ව තිබෙනවා.
අප ප්රාදේශීය වාර්තාකරු පැවසුවේ මෙලෙස ඝාතනයට ලක් ව ඇත්තේ, ජින්තුපිටිය – ආඳුරුප්පු වීදිය ප්රදේශයේ පදිංචිව සිටි පලනි සිරාම් නමැත්තෙකු බවයි.
මෙම පුද්ගලයා ප්රබල අපරාධ කල්ලි නායක පූකුඩු කන්නාගේ සංවිධානාත්මක අපරාධ ජාලයේ ගෝලයෙකු බවටත් හෙළි ව තිබෙනවා.
එමෙන්ම මෙම මරණකරු 2022 වර්ෂයේ දී වස දීමේ සිද්ධියක් සම්බන්ධයෙන් සැකකරුවෙකු ලෙස නම් කළ අයෙක් බවත්, ඔහුට මරණ තර්ජන ද තිබූ බවත් අනාවරණය වී ඇතැයි වාර්තා වන්නේ.
මරණකරු කාන්තා ඇසුරට දැඩි ලෙස ලොල් වූ අයෙකු බවත් හෙළි ව තිබෙනවා.
ඔහුගේ මියගිය සිරුරේ තිබී කාන්තාවකගේ කෙස් හමුවී ඇති බවත් සිද්ධිය සම්බන්ධයෙන් පුළුල් විමර්ශන ක්රියාත්මක බවත් දසත ප්රාදේශීය වාර්තාකරු පැවසුවා.
මෙම තරුණයාව වෙනත් ස්ථානයක දී ඝාතනය කර පසුව මෙම ස්ථානයට ගෙනත් දමන්නට ඇති බව පොලිසිය සැක පළ කරනවා.
මරණකරු මියගොස් ඇත්තේ හිසට ආයුධයකින් එල්ල කළ ප්රහාරයක් හේතුවෙන් බවයි පොලිසිය පැවසුවේ.
ඔහුගේ ගෙලෙහි යම් ඉදිමුම් තත්ත්වයක්, ඒ ආසන්නයේ ලේ පැල්ලමක් ද දක්නට ලැබෙන බවත් පොලිසිය පැවසුවා.
මරණකරුගේ සිරුර හමු වූ විකල්ප මාර්ග කොටස මෙතෙක් විවෘත කර නොමැති මාර්ගයක් බවත් ඒ අවට රාත්රියේ දී අඳුරුසහගත තත්ත්වයක් පවතින බව ද වාර්තා වනවා.
මළ සිරුර තිබූ ස්ථානයට පැමිණි නුගේගොඩ පොලිස් කොට්ඨාසයේ අපරාධන ස්ථාන පරීක්ෂණ නිලධාරීන් විසින් මූලික පරීක්ෂණ කටයුතු ආරම්භ කර තිබෙන අතර සිද්ධිය සම්බන්ධයෙන් හෝමාගම මූලස්ථාන පොලිසිය වැඩිදුරටත් පරීක්ෂණ පවත්වනවා.
