මේ වන විට අපරාධ පරීක්ෂණ දෙපාර්තමේන්තුව භාරයේ පසුවන සංවිධානාත්මක අපරාධ කල්ලි නායක කෙහෙල්බද්දර පද්මේ සතුව තිබූ දුරකථන 30ක් සම්බන්ධයෙන් විමර්ශන ක්රියාත්මක වෙමින් පවතින බව මහජන ආරක්ෂක අමාත්ය ආනන්ද විජේපාල පවසනවා.
එම දුරකථන සම්බන්ධයෙන් සිදුකරන විමර්ශනවල දී කෙහෙල්බද්දර පද්මේ සමඟ සබඳතා පැවැත්වූ දේශපාලඥයින් පිළිබඳව වැඩිදුරටත් තොරතුරු අනාවරණය වී ඇති බවයි අමාත්යවරයා සඳහන් කළේ.
අද (20) පාර්ලිමේන්තුවේ පැනයකට පිළිතුරු දෙමින් මහජන ආරක්ෂක අමාත්යවරයා මේ බව පැවසුවා.
මේ අතර අපරාධ කල්ලි නායක කෝරළගමගේ මන්දිනු පද්මසිරි නොහොත් කෙහෙල්බද්දර පද්මේගේ රුපියල් මිලියන 30ක අඩක් නිමකර ගොඩනැඟිල්ල සහිත පර්චස් 20ක ඉඩමක්, මිලියන 20ක් වටිනා අඩක් නිමකර කාමර 06ක් සහිත ගොඩනැඟිල්ලක් යන දේපළ අක්රීය කර ඇති බවයි අමාත්යවරයා අද (20) පාර්ලිමේන්තුවේ දී සඳහන් කළේ.
එමෙන්ම සංවිධානාත්මක අපරාධ කල්ලි නායකයෙක් සහ මත්ද්රව්ය ජාවාරම්කරුවෙක්වන පටබැඳි මද්දුගේ ෂෙහාන් සත්සර නොහොත් දෙහි බාලාගේ මිලියන 200ක බහුදින යාත්රා පහක්, මිලියන 50ක පර්චස් 15.8ක ඉඩම සහ දෙමහල් නිවස ද මත්ද්රව්ය සහ පාතාල ක්රියාකාරකම් සම්බන්ධයෙන් අක්රීය කර ඇති බවයි අමාත්යවරයා වැඩිදුරටත්සඳහන් කර සිටියේ.
