රැකියා සඳහා විදෙස් ගතවන කාන්තාවන්ගේ වයස් සීමාවේ සංශෝධනයක්

විදේශ රැකියා සඳහා යොමුවන ශ්‍රී ලාංකීක කාන්තාවන්ගේ අවම වයස් සීමාව සංශෝධනය කිරීමට කැබිනට් මණ්ඩල අනුමැතිය හිමිව තිබෙනවා.

ඒ අනුව අවම වයස් සීමාව අවුරුදු 21ක් වශයෙන් සංශෝධනය කර ඇති බවයි කැබිනට් මාධ්‍ය ප්‍රකාශක බන්දුල ගුණවර්ධන මේ වනවිට පැවැත්වෙන කැබිනට් තීරණය දැනුම්දීමේ මාධ්‍ය හමුවේදී සඳහන් කළේ

මෙරට කාන්තාවන් ගෘහ හා ගෘහ ආශ්‍රිත විදේශ රැකියාවක නිරතවීම සඳහා දැනට පවතින අවම වයස් සීමාව සෞදි අරාබිය සඳහා අවුරුදු 25 ක්ද, අනෙකුත් මැදපෙරදිග රටවල් සඳහා අවුරුදු 23ක්ද, අනෙකුත් රටවල් සඳහා අවුරුදු 21ක්ද වනවා.