ලාදුරු රෝගය මෙරට තුල යලි හිස ඔසවමින් පවතින බව සෞඛ්‍ය අංශ පවසනවා.ගත වූ ජනවාරි මාසය තුළ ලාදුරු රෝගීන් වාර්තා වීම සීඝ්‍රයෙන් ඉහලගොස් ඇති බවයි ඔවුන් වැඩිදුරටත් පෙන්වා දෙන්නේ.ලෙප්රොසි එහෙමත් නැත්නම් ලාදුරු.ලාදුරු රෝගය සැළකෙන්නේ ලෝකයේ පැරණිතම බෝ වන රෝගය ලෙසයි.
බැක්ටීරියා ක්‍රියාකාරීත්වයක් හරහා පැතිර යන මෙම ලාදුරු රෝගය වැළඳුනු මෙරට පළමු රෝගියා වාර්තාවන්නේ වර්ෂ1708දී බස්නාහිර පළාතෙන්.මේ වන විට ලාදුරු මෙරටින් තුරන්ව ඇති බවට මත පළ වුණත් එහි සත්‍යතාවයක් නැහැ.ලාදුරු රෝගයේ රෝග ලක්ෂණ ලෙස නාසය අවහිරවීම, කටහඬ වෙනස්වීම, නිතර නාසයෙන් දියර ගැලීම, නාසය පටක ඉදිමීම හඳුනාගතහැකියි.කිවිසුමකින් පිටවන ශ්‍රාවයක් සම මත ස්පර්ශවීමෙන් වැළදෙන ලාදුරු රෝගය අවසන් වන්නේ ප්‍රබල ස්නායු දුර්වලවීමකට ගොදුරු කරමින්.2009 වසරේ සිට නැවතත් ලාදුරු රෝගය මෙරට තුල යම් වර්ධනයක් පෙන්නුම් කිරීම සුළුකොට තැකිය හැකි තත්ත්වයක් නොවේ.
ලාදුරු රෝගය වැළදීම කිසිසේත් සමාජයෙන් කොන්වීමට බලපාන හේතුවක් නොවන බවත් සිහිතබා ගත යුතු කරුණක්.ලාඳුරු යනු තවදුරටත් අත් පා වල ඇඟිලි අහිමිවන ප්‍රතිකාරයක් නැති රෝගයක් නොවේ.එපමණක් නොව අවශ්‍ය වෛද්‍ය ප්‍රතිකාර ලබාගන්නා අයෙකුගෙන් රෝගය බෝ වීමේ අවදානමක් නැති බවත් අප සිහිතබා ගත යුතුයි.
