අතුරුගිරිය, වල්ගම ප්රදේශයේ පදිංචි වයස අවුරුදු 82 ක් වූ දෙදරු මවක අමානුෂික ලෙස දූsaණය කොට සැඟව සිටි පුද්ගලයකු අතුරුගිරිය පොලිසිය මගින් අත්අඩංගුවට ගෙන තිබෙනවා.
මෙම මව වල්ගම ප්රදේශයේ තිබෙන තම නිවසේ තනිව සිට ඇති අතර ඇයගේ දරුවන් වෙනත් නිවෙස්වල පදිංචිව සිටිනවා.
ඇයගේ නිවස අසල කුඩා කඩ කාමරයක් කුළියට දීමට තිබෙන බවට වූ දැන්වීමක විස්තර විමසන මුවාවෙන් පැමිණි සැකකරු නිවස තුළ ඇය තනිව සිටින බව දැනගෙන තර්ජනය කොට ඇයව දූsaණය කර ඇති බව පොලිස් පරීක්ෂණවලින් තහවුරු වුනා.
පසුගිය 28 වනදා උදෑසන 8.00 ත් 10.00 ත් අතර මෙම සිද්ධිය සිදුවී ඇති අතර සැකකරු පලාගොස් ඇති අතර කාන්තාව වෛද්ය ප්රතිකාර සඳහා කලූබෝවිල රෝහලට ඇතුලත් කොට තිබෙනවා.
අතුරුගිරිය පොලිසියේ නිලධාරීන් විසින් කරනු ලැබූ විමර්ශනකින් හෝමාගම පිංකෙත ප්රදේශයේ නිවසක සැඟවී සිටියදී සැකකරු අත්අඩංගුවට ගත් අතර ඔහු 32 වියේ පසුවන පෙදරේරු රැකියාවේ නිරත විවාහකයෙක්.
සැකකරු කඩුවෙල අධිකරණයට ඉදිරිපත් කිරීමෙන් පසු 8 වෙනිදා දක්වා රක්ෂිත බන්ධනාගාර ගත කළ අතර එදින ඔහු හඳුනා ගැනීමේ පෙරට්ටුවකට ඉදිරිපත් කිරීමට නියමිතයි.
කඩුවෙල – සුගත් පේ්රමතිලක
