කොවිඩ් -19 ආසාදිතයින් 711 දෙනෙකු ඊයේ (03) දිනය තුළ අලුතින් හඳුනාගෙන තිබේ.
ඉන් 236 දෙනෙකුම වාර්තා වී ඇත්තේ කොළඹ දිස්ත්‍රික්කයෙනි.
ගම්පහ දිස්ත්‍රික්කයෙන් නව ආසාදිතයින් 93 දෙනෙකු හඳුනාගෙන ඇති අතර කුරුණෑගලින් 74 දෙනෙකු හඳුනාගෙන තිබේ.
මේ අතර රත්මලාන, හංවැල්ල, හෝමාගම, මාවතගම, රිදීගම, මහියංගණය සහ මාපාකඩවැව යන සෞඛ්‍ය වෛද්‍ය නිලධාරී කොට්ඨාසවලින් ඊයේ දිනයේ කොවිඩ් ආසාදිතයින් සැලකිය යුතු සංඛ්‍යාවක් වාර්තා වී තිබේ.
ඒ අනුව, දිවයිනේ දිස්ත්‍රික්ක 22කින් කොවිඩ් -19 ආසාදිතයින් හඳුනාගෙන තිබූ බව කොවිඩ් -19 පැතිරීම වැළැක්වීමේ ජාතික ක්‍රියාන්විත මධ්‍යස්ථානය පැවසීය.
මේ වනවිට මෙරට සමස්ත කොවිඩ් -19 ආසාදිතයින් ගණන 66,409 දෙනෙකු වන අතර ඉන් සුවය ලැබු සමස්ත සංඛ්‍යාව 59,883කි.
කොවිඩ් -19 ආසාදිතයින් 6,194 දෙනෙකු තවදුරටත් රෝහල්ගතව ප්‍රතිකාර ලබමින් පසුවේ.
මෙරටින් වාර්තා වී ඇති කොවිඩ් ආසාදිත සමස්ත මරණ සංඛ්‍යාව ද මේ වනවිට 332ක් දක්වා ඉහළගොස් තිබේ.
ඊයේ දින කොවිඩ් ආසාදිතයින් හඳුනාගත් ප්‍රදේශ,
කොළඹ – 236
ගම්පහ – 93
කුරුණෑගල 74
ගාල්ල – 63
මහනුවර 60
බදුල්ල – 53
කළුතර – 34
මාතර – 30
නුවරඑළිය -15
මාතලේ – 10
පුත්තලම – 09
කෑගල්ල – 08
රන්නපුර – 05
ත්‍රීකුණාමලය – 05
වව්නියාව – 03
අනුරාධපුර – 03
මොනරාගල – 03
හම්බන්තොට – 03
අම්පාර – 01
මුලතිව් – 01
මඩකලපුව – 01
පොළොන්නරුව 01
