2022 ඉන්දීය ප්රිමියර් ලීග් තරගාවලියේ වාර්තා රැසක් පිහිට වූ තරගයක් බවට ඊයේ (05) රාත්රියේ පැවති තරගය පත් වුණා.
තරගය පැවැත්වුණේ දිල්ලි කැපිටල්ස් සහ සන්රයිසස් හයිද්රාබාද් කණ්ඩායම් අතරයි.
මෙම තරගයේදී මෙවර තරගාවලියේ වේගවත්ම පන්දුව යොමුකිරීමට හයිද්රාබාද් කණ්ඩායමේ වේග පන්දු යවන ක්රීඩක උම්රාන් මලික්ට හැකියාව ලැබුණා.
දිල්ලි කැපිටල්ස් ඉනිමේ අවසන් පන්දුවාරය යැවූ මලික් එම පන්දුවාරයේ සිව්වන පන්දුව යොමු කළේ පැයට කිලෝමීටර් 156.9ක වේගයෙන්.
ඒ අනුව මෙවර තරගාවලියේ පන්දු යවන්නෙක් මේ දක්වා යැවූ වේගවත්ම පන්දුව ලෙස එම පන්දුව සටහන් වුණා.
විචාරකයින් පවසන්නේ උම්රාන් මලික් මෙවර තරගාවලිය තුළ ඉන්දීය ක්රිකට් අනාගතයට හදුනාගත් වටිනා සම්පතක් බවයි.
කෙසේ වෙතත් ඊයේ තරගයේදී මලික්, ඩේවිඩ් වෝනර් සහ රෝමන් පවෙල්ගේ දැඩි ප්රහාරට ලක්වීම ද විශේෂත්වයක්.
