කොවිඩ් වැලදී රෝහල්ගතව සිට නැවත නිවසට පැමිණි තම සහෝදරියට අඩම්තේට්ටම් කළ සහෝදරයෙකු පිළිබද පුවතක් මීට පෙර අනාවරණය වුණා. සහෝදරයාගේ ආසාධාරණයන් පිළිබඳව පොලිසියට පැමිණිලි කිරීමට ගිය අදාල කාන්තාවට ඇගේ නිදි පැදුර ද අහිමි කළ බව අද වාර්තා වුණා.මේ වේයංගොඩ – නුංගමුව ප්‍රදේශයේ පදිංචි 74 හැවිරිදි අධිකාරීගේ විමලාවතී.
කලකට ඉහත මව්පිය උරුමයෙන් ඇයටත් අයිතිවාසිකම් කීමට තිබු මහගෙදර ඇය සිය බාල සහෝදරයාට ලබාදීමට තරම් කාරුණික වී තිබුනා.මහගෙදර අයිතිය හිටපු ගුරු උපදේශකවරයෙකු වූ තම සහෝදරයාට ලබාදී විමලාවතී දජීවත්වුණේ මෙම නිවසේමයි.අවිවාහක දියණියක් ද සිටින විමලාවතීට පසුගිය දිනක කොවිඩ් වෛරසය ආසාධයන වී තිබුනා.
රෝහල්ගතව ප්‍රතිකාර ලබාගෙන පැමිණි ඇයව යළි නිවසට ගැනීමට ගුරු උපදේශක සහෝදරයා කැමැත්ත පළ කර තිබුනේ නැහැ.ඒ පිළිබදව අප පසුගිය දා හිරු ප්‍රවෘත්ති ඔස්සේ අනාවරණය කළ අතර අද එම සිද්ධිය පිළිබද විමර්ශනය කිරීමට විමලාවතීට හා ඇගේ සොයුරාව වේයන්ගොඩ පොලිසිය වෙත කැදවා තිබුනා.
