අවාරයේ ශ්රී පාදයේ සංචාරයක් සදහා පැමිණි පිරිසක් රැගත් මෝටර් රථයක් නල්ලතන්නිය – මස්කෙළිය ප්රධාන මාර්ගයේ මෝහිනී ඇලට පෙරළී අනතුරක් සිදුව තිබෙනවා.
ඊයේ (19) රාත්රී කාලයේ මෙම අනතුර සිදුව ඇති බවයි වාර්තා වන්නේ.
වව්නියාව සහ කිලිනොච්චි ප්රදේශයේ පදිංචිකරුවන් පිරිසක් ඊයේ (19) රාත්රී 11.00ට පමණ නල්ලතන්නි පොලිසිය වෙත පැමිණ ඔවුන්ට ශ්රී පාද සංචාරයක් සදහා යෑමට අවශය බව පවසා තිබෙනවා.
එහිදී පොලිස් නිලධාරීන් පවසා ඇත්තේ පවතින අයහපත් කාලගුණයත් සමඟ රාත්රීයේ සංචාරය කිරිම සුදුසු නොවන නිසා පසුගින උදෑසන පැමිණෙන ලෙසයි.
පොලිසියේ උපදෙස් පිළිගත් එම පිරිස නාවාතැනක් සොයා ගැනීම සදහා ආපසු මෝටර් රථයෙන් යන අතරතුර ඊයේ (19) රාත්රී 12.00ට පමණ මෙම අනතුරට මුහුණ පා ඇති බවයි පොලිසිය සඳහන් කළේ.
මෝටර් රථය නල්ලතන්නිය – මස්කෙළිය ප්රධාන මාර්ගයේ මෝහිනී ඇල්ල ප්රදේශයේ දී මර්ගය් ලිස්සා ගොස් අසල තිබූ පාලමක් අසලින් මෝහිනී ඇලට පෙරළී මෙම අනතුර සිදුව තිබෙනවා.
අනතුර සිදුවන අවස්ථාවේ දී මෝටර් රථය තුළ පිරිමි පුද්ගලයන් තිදෙනෙකු සහ කාන්තාවන් දෙදෙනෙකු සිටි ඇති බව පොලිසිය පැවසුවා.
එහිදී ඔවුන් කිසිවෙකුටත් හානියක් සිදුව නොමැති අතර, අනතුරින් මෝටර් රථයට දැඩි අලාභ හානි සිදුව තිබෙනවා.
මේ අතර මෝටර් රථය අනතුරට ලක් වූ ස්ථානයෙන්ම පසුගිය මස 22 වනදා ත්රිරෝද රථයක් අනතුරට පත්ව එහි ගමන් ගත්
පාසල් සිසුවියක් ඇතුළු පිරිමි පුද්ගලයන් දෙදෙනෙකු ජීවිතක්ෂයට පත් වුණා.
