2026 FIFA ලෝක කුසලාන පාපන්දු තරගාවලියේ අවසන් 16 දෙනාගේ වටයේ පැවැති තරගයක දී තියුණු තරගයකින් අනතුරුව අර්ධ අවසන් පූර්ව වටයට පිවිසෙන්නට ආජන්ටිනාවට ඊයේ හැකියාව ලැබුණා.
ඒ, ඊජිප්තුව අතර පැවති තරගය තියුණු සටනකින් අනතුරුව ගෝල තුනට දෙකක් ලෙස ජයගනිමින්.
ඇමරිකාවේ ඇට්ලන්ටා හිදී පැවති මෙම තරගයේ පළමු අර්ධය අවසන්වන විට පාරාවෝවරු වත්මන් ලෝක ශූරයන් වන ආර්ජන්ටිනාව එරෙහිව 15 වන මිනිත්තුවේ දී පළමු ගෝලය වාර්තාකරමින් පෙරමුණ ගත්තා.
තරගයේ 67 වන විනාඩියේ දී දෙවන ගෝලය ද රැස්කරමින් සිය අණසක පැතිරූ ඊජිප්තුව තරගයේ ජයග්රහණය පෙනෙන මානයේ සිටියා.
කෙසේ වෙතත් තරගය අත්නොහැරි මෙසී ප්රමුඛ ආජන්ටිනා කණ්ඩායම තරගයේ 79 වන මිනිත්තුවේ දී ඔවුන්ගේ පළමු ගෝලය වාර්තා කරමින් තරගයට අවතීර්ණ වුණා.
එම ගෝලය වාර්තා වී මිනිත්තු පහක් ගතවන්නට පෙර ආජන්ටිනාව වෙනුවෙන් දෙවන ගෝලය රැස්කළ ලයනල් මෙසී තරගය ගෝල දෙකට දෙකක් ලෙස සම කරන්නට සමත් වුණා.
තරගයේ නියමිත කාලයෙන් පසු හිමි වූ අමතර කාලය තුළ එනම් 93 වන මිනිත්තුවේ දී ආජන්ටිනාව වෙනුවෙන් තුන්වන ගෝලය වාර්තා කළ එන්සෝ ෆර්නැන්ඩෙස් සිය කණ්ඩායම අවසන් මොහොතේ අර්ධ අවසන් පූර්ව වටයට රැගෙන ගියා.
ඒ, අනුව මොහොමඩ් සලා ප්රමුඛ ඊජිප්තු කණ්ඩායමට මෙවර පාපන්දු ලෝක කුසලානයෙන් ඉවතට විසිවීමට සිදු වුණා.
