ජාතික රණවිරු ස්මාරකයට පුෂ්පෝපාහාර දක්වන්න මල් අරන් ආ විමල්ට පොලිසියෙන් බාධා (වීඩියෝ)

බත්තරමුල්ල ජාතික රණවිරු ස්මාරකය අසල අද (18) පස්වරුවේ උණුසුම්කාරී තත්ත්වයක් හටගත්තා.

ඒ, ජාතික නිදහස් පෙරමුණේ නායක හිටපු අමාත්‍ය විමල් වීරවංශ ඇතුළු පිරිසක් එහි පැමිණ ජාතික රණවිරු ස්මාරකයට පුෂ්පෝහාර දැක්වීමට උත්සාහ කිරීමේ දීයි.

හෙට (19) පැවැත්වීමට නියමිත ජාතික රණවිරු සැමරුම් උත්සවය වෙනුවෙන් ජාතික රණවිරු ස්මාරකය සහ ඒ අවට සූදානම් වෙමින් පැවතීම හේතුවෙන් පොලිසිය විසින් ඊට ඇතුළුවීමට විමල් වීරවංශ හිටපු අමාත්‍යවරයා ඇතුළු පිරිසට අවසර ලබාදුන්නේ නැහැ.

එහිදී පොලිසියස් සහ එම පිරිස අතර උණුසුම් තත්ත්වයක් හටගත් අතර, පොලිස් අණ නොතකා විමල් වීරවංශ හිටපු අමාත්‍යවරයා ඇතුළු පිරිස ඊට කඩාපැනීමට කටයුතු කළා.

කෙසේ වෙතත් රණවිරු ස්මාරකය අසලට යාමට ඔවුන්ට අවස්ථාව හිමිවූයේ නැහැ.