පසුගියදා පැවති මැයි දින රැලියක් අමතමින් ජනාධිපති අනුර කුමාර දිසානායක විසින් සිදුකළ ප්රකාශය සම්බන්ධයෙන් ශ්රී ලංකා නීතිඥ සංගමය නිවේදනයක් නිකුත් කර තිබෙනවා.
එළැඹෙන මැයි 25 වැනිදා ලබා දීමට ඇති අධිකරණ තීන්දුවක් සම්බන්ධයෙන් මැයි දින රැලියේදි සිදුකළ ප්රකාශය සම්බන්ධව, එම නිවේදනය මඟින් ශ්රී ලංකා නීතිඥ සංගමය සිය දැඩි කනස්සල්ල පළකර තිබෙනවා.
එම තීන්දුව ලබාදුන්විට ඒ පිළිබඳව උදම් ඇනීමට ජනතාවට හැකිවන බව ජනාධිපතිවරයා ප්රකාශ කිරීම අධිකරණ ක්රියාවලියට මැදිහත්වීමක් ලෙස මතයක් ගොඩනගන බවයි එම නිවේදනයේ සඳහන් වන්නේ.
එවැනි ප්රකාශ මගින් අධිකරණය කෙරෙහි ජනතා විශ්වාසය පළුදුවීමට හේතුවිය හැකි බව ශ්රී ලංකා නීතිඥ සංගමය එම නිවේදනය මගින් පෙන්වා දී තිබෙනවා.
ශ්රී ලංකා නීතිඥ සංගමය, අධිකරණයේ ස්වාධීනත්වය සහ සම්පූර්ණතාව සහතික කිරීම සඳහා කැපවී සිටින බවත්, එය ආරක්ෂාකිරීමට හා සුරක්ෂිත කිරීමට අවශ්ය සියලු පියවර ගන්නා බවත් නීතිඥ සංගමය නිකුත් කළ එම නිවේදනයේ සඳහන්.
සාමන්ය ජනතාවට නොතේරෙන ඉංග්රීසි භාෂාව බොහෝ විට අධිකරණ තුළ භාවිතා වීම සහ අධිකාරි බලයක් සහ ආරූඪ කරගත් ගාම්භීර ක්රියා පිළිවෙල නිසා අධිකරණ සහ එම ක්රියාවලි ජනතා හදවත් වලට ඉතාම දුරස්ථ භාවයක් ඇත. නීතිය යනු ඉතා අමාරුවෙන් අනාවරණය කර ගත් ගැඹුරු මූලධර්ම සහිත විෂයයක් නොව සමාජයේ පැවැත්ම උදෙසා මිනිසුන් විසින් ම සම්මත කරගත් එකගතාවයන් ගොන්නකි. අධිකරණ පද්ධතිය තුළ ක්රියාත්මක වන මෙම ක්රියාපරිපාටිය නීතිඤයන්ට අසාමාන්ය ලෙස සේවාදායකයින්ගෙන් මුදල් අයකර ගැනීමට රුකුලක් වී ඇත.
මේ තත්ත්වය වෙනස් වී නීතිය සහ අධිකරණ ක්රියාවලිය සාමන්ය ජනතාවට සමීප, ස්පර්ශ කළ හැකි ජනතාවදී එකක් විය යුතුය.