2015 වසරේ සිට මේ දක්වා, දූෂණ සහ අක්‍රමිකතා සම්බන්ධයෙන් චෝදනා එල්ල වූ සහ වරදකරුවන් වූ දේශපාලනඥයින් ඇතුළු පුද්ගලයන් 50 දෙනෙකුගේ නම් ඇතුළත් ලැයිස්තුවක් පාර්ලිමේන්තු සභා නායකා, අමාත්‍ය බිමල් රත්නායක විසින් අද (08) පාර්ලිමේන්තුවේ දී සභාගත කරනු ලැබුවා.
එම පුද්ගලයාන් සියලු දෙනා සම්බන්ධයෙන් පැමිණිලි සහ නඩු ගොනුකර තිබෙන්නේ, 2015 – 2019 අතර කාල සීමාවේ බවයි අමාත්‍යවරයා සඳහන් කළේ.
කෙසේ වෙතත් පසුව යම් තත්ත්වයන් සහ සම්බන්ධතා මත එම පැමිණිලි සම්බන්ධයෙන් නිසි විමර්ශන සිදු නොවූ බවට අමත්‍යවරයා පෙන්වා දුන්නා.
පාර්ලිමේන්තු මන්ත්‍රී නාමල් රාජපක්ෂගේ ක්‍රිෂ් ගනුදෙනුව සම්බන්ධ නඩුව, හිටපු අමාත්‍ය ජොන්ස්ටන් ප්‍රනාන්දුට පවතින සුප්‍රසිද්ධ සතොස සම්බන්ධ නඩුව, හිටපු අමාත්‍ය විමල් විරවංශගේ අනිසි වත්කම් සම්බන්ධ නඩුව, හිටපු අමාත්‍ය මහින්දානන්ද අලුත්ගමගේට පවතින සුප්‍රසිද්ධ කැරම් බෝඩ් නඩුව, බසින් රාජපක්ෂගේ දිවි නැගුම අරමුදලේ මුදල් වැය කිරීම සම්බන්ධ නඩුව ඇතුළු නඩු රැසක් සඳහන් කරමින් අමාත්‍යවරයා මෙහිදී පෙන්වා දුන්නේ එම සියලු පැමිණිලි සහ නඩු 2015 – 2019 අතර කාල සීමාවේ ගොනුකර ඇති බවයි.
